| e-texts navigator |
| བོད་ཡིག |
264b1 zad chos su byas pa'i dum bu lag pa'am/ mgrin pa'am/ rna ba rnams su 'am/ skra rnams la 'gebs so/ /bag ma len pa dang / so nam dang / tshong la sogs pa byas nas/ 'tsho ba'i phyir du spyod cing 'gro bar byed do/ /de'i tshe yon ster cing dge
264b2 'dun gyi ched du de thams cad ster bar byed de/ de'i tshe ngas kun dga' bo dge 'dun gyi yon gyi 'bras bu ni grangs med par bshad do/ /song zhing song ba'i dus su/ 'di ci bdag gi don du ngur smrig gi dum bu btogs nas dgon pa'am nags tshal du skyur bar byed do/ /de
264b3 rnams kyi dus su rtags tsam 'dzin pa'i bar gyi dus nub par 'gyur ro/ /'di ni rtags tsam 'dzin pa'i bar gyi dus nub pa'i dus zhes bya ba yin no/ /de nas yang dag par rdzogs pa'i sangs rgyas kyi bstan pa lo stong phrag lnga pa la rnyed pa dang bkur sti la sogs pa'i rnyed pa chung
264b4 ngo / /sku gdung rnams rnyed bkur byed pa'i gnas su 'gro bar byed do/ /song zhing song ba'i dus su/ gnas thams cad du bkur sti dang bsti stang ma thob nas/ bstan pa tha ma'i dus su klu'i yul dang / lha'i 'jig rten dang / tshangs pa'i 'jig rten gyi gnas thams cad nas
264b5 'ongs nas/ sku gdung thams cad byang chub kyi snying po kho nar bsdus te sangs rgyas kyi sku ru gyur nas/ gshin rje rdzu 'phrul du ma ston pa dang 'dra bar gzhan la ston no/ /de'i gnas su sems can mir gyur pa'i ming yang med do/ /stong phrag bcu'i lha'i 'jig rten gyi khor yug gi bar
264b6 thams cad 'dus nas/ de ring stobs bcu pa yongs su mya ngan las 'da' bar byed do/ /deng nas bzung nas mun nag tu gyur to/ /zhes ngu bar byed do/ /sku gdung thams cad la me'i khams langs nas de'i sku lus lhag ma med par sreg par byed do/ /'di ni sku gdung gi bar
264b7 gyi dus nub pa zhes bya ba yin no/ /de nas lo stong phrag lnga po 'dir bstan pa nub par gyur nas 'jig rten pa rnams la mi dge ba lhag par 'phel bar byed do/ /zhes bya ba'i don no/ /mi rnams la ngo tsha dang khrel med par 'gyur zhing ma dang / bu mo dang / sring mo la sogs pa'i
iiif viewer powered by OpenSeadragon
Texts on this page
D35 - byams pa'i mdo