| e-texts navigator |
| བོད་ཡིག |
25b1 du btsugs pa de dang de nyid nges par phigs so/ /de bzhin du dge slong gis nges par rtogs pa'i shes rab kyis yongs su zin pa'i rdo rje lta bu'i ting nge 'dzin gang du btsugs pa dang / gang du spyod pa de dag thams cad nges par rtogs so/ /de nges par rtogs pa'i shes rab 'jig
25b2 rten las 'das pa yang dag par sdug bsngal zad par 'gyur ba dang ldan pas chags pa med pa ni gsum rig pa zhes bya'o/ /rab kyi rtsal gyis rnam par gnon pa rig pa zhes bya ba de ni ma rig pa nye bar zhi ba'i tshig so/ /ma rig pa yongs su shes pa zhes bya ba de ni sdug
25b3 bsngal gyi phung po nye bar zhi ba'i tshig so/ /rab kyi rtsal gyis rnam par gnon pa 'di lta ste/ dper na sman pa mkhas pa gsal ba/ yid rno ba/ lhag par rtogs pa dang ldan pa/ sman thams cad la mkhas pa/ nad ldang ba thams cad la mkhas pa/ sdug
25b4 bsngal thams cad las rnam par 'grel ba des nad pa gang dang gang la gso bar byas pa de dang de 'tsho'o/ /de ci'i phyir zhe na/ 'di lta ste de sman thams cad la mkhas shing nad ldang ba thams cad la mkhas te/ nad thams cad las thar par byed pa'i phyir ro/ /rab kyi rtsal
25b5 gyis rnam par gnon pa de bzhin du rig pa gsum pos ni ma rig pa thams cad nye bar zhi bar 'gyur/ sdug bsngal thams cad 'joms par 'gyur/ rga shi dang mya ngan dang smre sngags 'don pa dang / sdug bsngal ba dang / yid mi bde ba dang / 'khrug pa thams cad
25b6 nye bar zhi bar 'gyur te/ rab kyi rtsal gyis rnam par gnon pa de ni 'jig rten las 'das pa'i shes rab nges par rtogs par 'gro ba zhes bya'o/ /rab kyi rtsal gyis rnam par gnon pa ngas 'di la dgongs nas/ srid par skye bar yongs zad par/ /gang gis yang dag rab
25b7 shes pa/ /gang rnams rtogs par 'gro ba de/ /'jig rten na ni shes rab mchog /ces bshad do/ /rab kyi rtsal gyis rnam par gnon pa srid par skye ba yongs su zad pa zhes bya ba gang gi tshig yin zhe na/ de ni 'byung ba dang nub pa rab tu rtogs pa'i
iiif viewer powered by OpenSeadragon
Texts on this page
D14 - 'phags pa rab kyi rtsal gyis rnam par gnon pas zhus pa shes rab kyi pha rol tu phyin pa bstan pa