| e-texts navigator |
| བོད་ཡིག |
24a1 mi bya'o/ /gal te mi shes pas ye shes shes bya na ni de'i phyir byis pa so so'i skye bo thams cad kyang ye shes can du 'gyur ro/ /gang ye shes dang mi shes pa mi dmigs shing ye shes dang mi shes pa yang dag pa ji lta ba bzhin du yongs su shes pa de nyid ye
24a2 shes zhes bya ste/ ye shes ni ji skad du brjod pa de bzhin du ma yin no/ /de bas na ye shes ni brjod par bya ba ma yin zhing yul thams cad las rab tu 'das pa ste/ ye shes ni gang gi yul yang ma yin no/ /ye shes kyi yul yang gang yang ma yin no/ /rab kyi rtsal gyis
24a3 rnam par gnon pa ye shes bstan pa yul yang ma yin/ phyogs kyang ma yin pa 'di gang gis shes pa de ni ye shes can nam/ ye shes can ma yin pa zhes bya ba'i grangs su mi 'gro'o/ /rab kyi rtsal gyis rnam par gnon pa gang 'di ltar rab tu shes pa dang / rjes su rtogs
24a4 pa dang / kun shes pa de ni shes rab ces bya'o/ /rab kyi rtsal gyis rnam par gnon pa gang 'di ltar mngon par rtogs pa mngon sum du byed pa de ni 'jig rten las 'das pa'i shes rab ces bya ste/ 'jig rten las 'das pa'i shes rab ces ji skad du brjod pa bzhin du ni ma yin no/ /
24a5 de ci'i phyir zhe na/ 'jig rten nyid kyang mi dmigs na 'jig rten las 'das pa'i shes rab lta ga la yod de/ 'jig rten las 'das pa'i shes rab kyis gang 'jig rten las sgrol bar 'gyur ba lta ci smos/ de ci'i phyir zhe na/ des 'jig rten mi dmigs pas ci yang
24a6 sgrol bar mi byed de/ de'i phyir 'jig rten las 'das pa'i shes rab ces bya'o/ /rab kyi rtsal gyis rnam par gnon pa 'jig rten zhes bya ba 'di ni btags pa zhes brjod pa ste/ btags pa ni 'jig rten las yang dag par 'das pa ma yin gyi/ btags pa thams
24a7 cad las yang dag par 'das pa ni 'jig rten las 'das pa zhes bya'o/ /'da' bar bya ba ni 'jig rten las 'das pa ma yin gyi/ 'da' bar mi bya ba ni 'jig rten las 'das pa'o/ /de ci'i phyir zhe na/ de la gang 'da' bar bya ba'am gang gis 'da' bar bya ba'i chos phra rab
iiif viewer powered by OpenSeadragon
Texts on this page
D14 - 'phags pa rab kyi rtsal gyis rnam par gnon pas zhus pa shes rab kyi pha rol tu phyin pa bstan pa