| e-texts navigator |
| བོད་ཡིག |
22b1 sems dpa' chen po rnams kyi slad du bcom ldan 'das bdag de bzhin gshegs pa la zhu lags so/ /bcom ldan 'das sems can gang dag sangs rgyas kyi ye shes la yang rlom sems su mi bgyid cing mngon par mi zhen la chags par mi gnas shing / rlom sems
22b2 thams cad las yang dag par 'das pa'i lam la gnas pa/ lam du zhugs pa/ lam ston pa'i sems can rnams dang / byang chub sems dpa' sems dpa' chen po de dag gi slad du bcom ldan 'das bdag de bzhin gshegs pa la zhu lags so/ /
22b3 bcom ldan 'das bdag ni sems can thams cad la bde ba dang / ltag na ma mchis pa'i bde ba dang / bla na ma mchis pa'i bde ba dang / mya ngan las 'das pa'i bde ba dang / sangs rgyas kyi bde ba dang / 'dus ma bgyis kyi bde ba nye bar bsgrub par 'tshal te/
22b4 bdag sems can thams cad kyi don dang / sman pa dang / bde ba dang / grub pa dang / bde ba'i slad du de bzhin gshegs pa la zhu lags so/ /bcom ldan 'das bdag ni the tshom ma mchis par 'tshal zhing the tshom ma mchis nas kyang sems can rnams kyi the tshom rab
22b5 tu spang ba'i slad du chos bshad par 'tshal te/ bcom ldan 'das bdag sems can thams cad kyi the tshom bsal ba'i slad du bcom ldan 'das la zhu lags so/ /de ci'i slad du zhe na/ bcom ldan 'das sems can thams cad ni sdug bsngal dang mi 'thun zhing bde ba 'tshal
22b6 la/ sems can thams cad ni bde ba don du gnyer ba lags te/ bcom ldan 'das shes rab ma gtogs par gzhan sems can rnams kyi bde ba gang yang bdag gis ma mthong zhing / bcom ldan 'das byang chub sems dpa'i theg pa theg pa chen po ma gtogs
22b7 par gzhan sems can rnams kyi bde ba gang yang ma mchis te/ bcom ldan 'das bdag gis don gyi dbang 'di mthong bas sems can rnams la bde ba nye bar bsgrub par 'tshal ba'i slad du shes rab kyi pha rol tu phyin pa zhu lags so/ /bcom ldan 'das byang chub
iiif viewer powered by OpenSeadragon
Texts on this page
D14 - 'phags pa rab kyi rtsal gyis rnam par gnon pas zhus pa shes rab kyi pha rol tu phyin pa bstan pa