| e-texts navigator |
| བོད་ཡིག |
20b1 bcom ldan 'das la byang chub sems dpa' sems dpa' chen po rab kyi rtsal gyis rnam par gnon pas 'di skad ces gsol to/ /bcom ldan 'das shes rab kyi pha rol tu phyin pa shes rab kyi pha rol tu phyin pa zhes bgyi ba/ bcom ldan 'das ji tsam gyis na byang chub
20b2 sems dpa' sems dpa' chen po rnams kyi shes rab kyi pha rol tu phyin pa zhes bgyi/ bcom ldan 'das ji ltar na byang chub sems dpa' sems dpa' chen po shes rab kyi pha rol tu phyin pa la spyod pa lags/ bcom ldan 'das ji ltar na shes rab kyi pha rol tu phyin
20b3 pa la spyod pa'i byang chub sems dpa' sems dpa' chen po shes rab kyi pha rol tu phyin pa sgom pa yongs su rdzogs par 'gyur lags/ bcom ldan 'das ji ltar na byang chub sems dpa' sems dpa' chen po shes rab kyi pha rol tu phyin pa sgom pa na bdud sdig can
20b4 gyis glags mi rnyed cing bdud kyi las thams cad kyang rtogs par 'gyur lags/ bcom ldan 'das byang chub sems dpa' sems dpa' chen po shes rab kyi pha rol tu phyin pa la gnas pa ji lta bus gnas na myur du thams cad mkhyen pa nyid kyi chos rnams yongs
20b5 su rdzogs par 'gyur lags/ de skad ces gsol pa dang / bcom ldan 'das kyis byang chub sems dpa' sems dpa' chen po rab kyi rtsal gyis rnam par gnon pa la 'di skad ces bka' stsal to/ /rab kyi rtsal gyis rnam par gnon pa khyod byang chub sems
20b6 dpa' sems dpa' chen po rnams kyi don dang / ci nas khyod skye bo mang po la phan pa dang / skye bo mang po la bde ba dang / 'jig rten la snying brtse ba dang / lha dang mi rnams kyi skye bo phal po che'i don dang phan pa dang bde ba'i phyir zhugs shing / da ltar gyi dang / ma
20b7 'ongs pa'i byang chub sems dpa' sems dpa' chen po rnams la snang bar byed par 'dod pas de bzhin gshegs pa dgra bcom pa yang dag par rdzogs pa'i sangs rgyas la shes rab kyi pha rol tu phyin pa 'dri ba legs so legs so/ /de nas bcom ldan 'das
iiif viewer powered by OpenSeadragon
Texts on this page
D14 - 'phags pa rab kyi rtsal gyis rnam par gnon pas zhus pa shes rab kyi pha rol tu phyin pa bstan pa