| e-texts navigator |
| བོད་ཡིག |
146a1 thams cad dang ldan pa'i 'khor de dang / lha dang / mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do/ /bcom ldan 'das ma shes rab kyi pha rol tu phyin pa'i snying po zhes bya ba theg pa chen po'i
146a2 mdo rdzogs so/ / //rgya gar gyi mkhan po bi ma la mi tra dang / lots+tsha ba dge slong rin chen sdes bsgyur cing / zhu chen gyi lo ts+tsha ba dge blo dang nam mkha' la sogs pas zhus te gtan la phab pa// //dpal bsam yas lhun gyis grub pa'i gtsug lag gi dge rgyas bye ma gling gi rtsig ngos la bris pa
146a3 dang zhu dag legs par bgyis so/ / @##/ /rgya gar skad du/ Ar+ya swa lpA k+Sha ra pradz+nyA pA ra mi tA nA ma ma hA yA na sU tra/ bod skad du/ 'phags pa shes rab kyi pha rol tu phyin pa yi ge nyung ngu zhes bya ba theg pa chen po'i mdo/ sangs rgyas dang /
146a4 byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das rgyal po'i khab na bya rgod phung po'i ri la dge slong khri nyis stong lnga brgya'i dge slong gi dge 'dun chen po dang / byang chub sems dpa' bye ba khrag khrig 'bum phrag du ma dang thabs cig tu
146a5 bzhugs te/ brgya byin dang / tshangs pa dang / 'jig rten skyong ba la sogs pa lha bye ba khrag khrig 'bum gyis yongs su bskor cing mdun gyis bltas te/ dpal gyi snying po'i seng ge'i khri la bzhugs so/ /de nas byang chub sems dpa' sems dpa' chen po 'phags pa spyan ras gzigs dbang phyug
146a6 stan las langs te/ bla gos phrag pa gcig tu gzar nas pus mo g.yas pa'i lha nga sa la btsugs te/ bcom ldan 'das ga la ba de logs su thal mo sbyar ba btud nas/ 'dzum mul te/ bcom ldan 'das la 'di skad ces gsol to/ /bcom ldan 'das shes rab kyi pha rol tu phyin pa yi ge nyung
146a7 ngu la bsod nams che ba/ gang thos pa tsam gyis sems can thams cad kyi las kyi sgrib pa thams cad byang bar 'gyur ba dang / byang chub la nges par gzhol bar 'gyur ba dang / gang dag sngags sgrub par brtson pa de dag bgegs ma mchis par gsang sngags 'grub par 'gyur ba bshad du gsol/ /
iiif viewer powered by OpenSeadragon
Texts on this page
D21 - bcom ldan 'das ma shes rab kyi pha rol tu phyin pa'i snying po
D22 - 'phags pa shes rab kyi pha rol tu phyin pa yi ge nyung ngu zhes bya ba theg pa chen po'i mdo