| e-texts navigator |
| བོད་ཡིག |
145b1 pa nas yid kyi khams med yid kyi rnam par shes pa'i khams kyi bar du yang med do/ /ma rig pa med/ ma rig pa zad pa med pa nas rga shi med/ rga shi zad pa'i bar du yang med do/ /sdug bsngal ba dang / kun 'byung ba dang / 'gog pa dang / lam med/ ye shes med/
145b2 thob pa med/ ma thob pa yang med do/ /shA ri'i bu de lta bas na byang chub sems dpa' rnams thob pa med pa'i phyir/ shes rab kyi pha rol tu phyin pa la brten cing gnas te/ sems la sgrib pa med pas skrag pa med de/ phyin ci log las shin tu 'das nas mya ngan las
145b3 'das pa'i mthar phyin to/ /dus gsum du rnam par bzhugs pa'i sangs rgyas thams cad kyang / shes rab kyi pha rol tu phyin pa la brten nas/ bla na med pa yang dag par rdzogs pa'i byang chub tu mngon par rdzogs par sangs rgyas so/ /de lta bas na shes rab kyi
145b4 pha rol tu phyin pa'i sngags/ rig pa chen po'i sngags/ bla na med pa'i sngags/ mi mnyam pa dang mnyam pa'i sngags/ sdug bsngal thams cad rab tu zhi bar byed pa'i sngags/ mi rdzun pas na bden par shes par bya ste/ shes rab kyi pha rol tu phyin pa'i sngags
145b5 smras pa/ tad+ya thA/ ga te ga te pA ra ga te/ pA ra saM ga te/ bo d+hi swA hA/ shA ri'i bu byang chub sems dpa' sems dpa' chen pos de ltar shes rab kyi pha rol tu phyin pa zab mo la bslab par bya'o/ /de nas bcom ldan 'das ting nge 'dzin de las bzhengs te/ byang chub
145b6 sems dpa' sems dpa' chen po 'phags pa spyan ras gzigs dbang phyug la legs so zhes bya ba byin nas/ legs so legs so/ /rigs kyi bu de de bzhin no/ /rigs kyi bu de de bzhin te/ ji ltar khyod kyis bstan pa de bzhin du shes rab kyi pha rol tu phyin
145b7 pa zab mo la spyad par bya ste/ de bzhin gshegs pa rnams kyang rjes su yi rang ngo / /bcom ldan 'das kyis de skad ces bka' stsal nas/ tshe dang ldan pa sha ra dwa ti'i bu dang / byang chub sems dpa' sems dpa' chen po 'phags pa spyan ras gzigs dbang phyug dang /
iiif viewer powered by OpenSeadragon
Texts on this page
D21 - bcom ldan 'das ma shes rab kyi pha rol tu phyin pa'i snying po