| e-texts navigator |
| བོད་ཡིག |
145a1 tu bzhugs te/ de'i tshe bcom ldan 'das zab mo snang ba zhes bya ba'i chos kyi rnam grangs kyi ting nge 'dzin la snyoms par zhugs so/ /yang de'i tshe byang chub sems dpa' sems dpa' chen po 'phags pa spyan ras gzigs dbang phyug shes rab kyi pha rol tu phyin
145a2 pa zab mo spyod pa nyid la rnam par lta zhing / phung po lnga po de dag la yang rang bzhin gyis stong par rnam par lta'o/ /de nas sangs rgyas kyi mthus/ tshe dang ldan pa shA ri'i bus byang chub sems dpa' sems dpa' chen po 'phags pa spyan ras gzigs dbang phyug la 'di
145a3 skad ces smras so/ /rigs kyi bu'am/ rigs kyi bu mo gang la la shes rab kyi pha rol tu phyin pa zab mo spyod pa spyad par 'dod pa des ji ltar bslab par bya/ de skad ces smras pa dang / byang chub sems dpa' sems dpa' chen po 'phags pa spyan ras gzigs dbang
145a4 phyug gis tshe dang ldan pa sha ra dwa ti'i bu la 'di skad ces smras so/ /shA ri'i bu rigs kyi bu'am/ rigs kyi bu mo gang la la shes rab kyi pha rol tu phyin pa zab mo spyod pa spyad par 'dod pa des 'di ltar rnam par blta bar bya ste/ phung po lnga po de dag kyang rang bzhin gyis stong
145a5 par rnam par yang dag par rjes su blta'o/ /gzugs stong pa'o/ /stong pa nyid gzugs so/ /gzugs las stong pa nyid gzhan ma yin/ stong pa nyid las kyang gzugs gzhan ma yin no/ /de bzhin du tshor ba dang / 'du shes dang / 'du byed dang / rnam par shes
145a6 pa rnams stong pa'o/ /shA ri'i bu de lta bas na chos thams cad stong pa nyid de/ mtshan nyid med pa/ ma skyes pa/ ma 'gags pa/ dri ma med pa/ dri ma dang bral ba med pa/ bri ba med pa/ gang ba med pa'o/ /shA ri'i bu de lta bas na stong pa nyid la gzugs
145a7 med/ tshor ba med/ 'du shes med/ 'du byed rnams med/ rnam par shes pa med/ mig med/ rna ba med/ sna med/ lce med/ lus med/ yid med/ gzugs med/ sgra med/ dri med/ ro med/ reg bya med/ chos med do/ /mig gi khams med
iiif viewer powered by OpenSeadragon
Texts on this page
D21 - bcom ldan 'das ma shes rab kyi pha rol tu phyin pa'i snying po