| e-texts navigator |
| བོད་ཡིག |
103b1 phyir nye bar 'gro'o/ /rab kyi rtsal gyis rnam par gnon pa de bzhin du chos kyi rnam grangs 'di ni 'di lta ste/ mi'i dbang po mi cang shes rnams kyis klog pa dang / bshad pa dang / rab tu bstan pa'i nye bar spyod pa dang / longs spyod du 'gyur te/ chos kyi rnam grangs 'di
103b2 ni de dag gi bkod pa chen po dang / rgyas pa chen po dang / chos kyi snang ba byed par 'gyur/ de dag chos kyi rnam grangs 'di la chos kyi dga' ba bdun po myong bar 'gyur ro/ /gang chos kyi rnam grangs 'di las tshul gcig tsam 'dzin pa de dag kyang mchog tu dga' ba dang ldan par 'gyur
103b3 na gang thams cad rdzogs par bris pa dang / 'dzin pa dang / 'chang ba dang / mchod pa dang / rgyas par byed pa lta ci smos/ chos kyi rnam grangs 'dis mi'i dbang po dang mi cang shes de dag bzung bar 'gyur ro/ /'di ni cang shes ma yin pa rnams kyi spyod yul ma yin no/ /rab kyi
103b4 rtsal gyis rnam par gnon pa 'di ni the tshom thams cad gcod pa'i phyir ngas de dag smras so/ /chos kyi rnam grangs 'di bshad pa na/ byang chub sems dpa' du ma dpag tu med pa dag gis mi skye ba'i chos la bzod pa thob par gyur to/ /sems can grangs med dpag tu med pa dag gis bla na med pa yang
103b5 dag par rdzogs pa'i byang chub tu sems bskyed de/ de dag byang chub tu nges par 'gyur ba de bzhin gshegs pas bstan to/ /bcom ldan 'das kyis de skad ces bka' stsal nas/ byang chub sems dpa' sems dpa' chen po rab kyi rtsal gyis rnam par gnon pa dang / 'khor bzhi dang / lha dang / mi dang /
103b6 lha ma yin dang / klu dang / gnod sbyin dang / dri za dang / nam mkha' lding dang / mi 'am ci dang / lto 'phye chen po dang bcas pa'i 'jig rten yi rangs te/ bcom ldan 'das kyis gsungs pa la mngon par bstod do/ /phan yon gyi le'u zhes bgyi ste bdun pa'o// //'phags pa rab kyi rtsal gyis rnam
103b7 par gnon pas zhus pa/ shes rab kyi pha rol tu phyin pa bstan pa rdzogs so// //rgya gar gyi mkhan po shI len dra bo d+hi dang / dzi na mi tra dang / zhu chen gyi lots+tsha ba ban de ye shes sdes bsgyur cing zhus te/ skad gsar chad kyis kyang bcos nas gtan la phab pa// //
iiif viewer powered by OpenSeadragon
Texts on this page
D14 - 'phags pa rab kyi rtsal gyis rnam par gnon pas zhus pa shes rab kyi pha rol tu phyin pa bstan pa