| e-texts navigator |
| བོད་ཡིག |
102a1 rab kyi pha rol tu phyin pa'i gnas 'di gzung ba dang / gzhan dag la yang rgya cher yang dag par rab tu ston pa'i rngo thogs lags so/ /bcom ldan 'das dus de ni 'jigs pa chen po mya ngan chen po ma rungs pa chen por 'gyur te/ sems can chos kyis phongs par
102a2 'gyur ba'i las dang ldan pa phal cher 'byung / log par chags shing brkam pa/ log pa'i 'dod chags kyis chags pa/ chos ma lags pa la 'dod chags kyis chags pa/ phrag dog dang 'dod pas yongs su zin pa'i sems dang ldan pa/ khro ba gtum pa/ brlang ba bka'
102a3 blo mi bde ba/ g.yon can mi srun pa sgyu can/ chos ma lags pa spyod pa dang / 'thab pa dang / rtsod pa dang / mtshang 'dru ba dang / 'dreg pa mang ba/ sdom pa la mi gnas pa/ 'dod pa dang / brkam pa'i zil gyis gnon pa/ le lo can/ brtson 'grus chung ba/ dran pa nyams pa/ shes
102a4 bzhin can ma lags pa/ gcam bu mu cor smra ba/ kha phyar can/ sdig pa'i las khong na sbed cing 'chab pa/ 'dod chags dang / zhe sdang dang / gti mug che ba/ ma rig pa'i sgo nga'i sbubs dang / gti mug gi mun nag gi zil gyis gnon pa/ bdud kyi phyogs dang 'thun par spyod pa/ chos
102a5 'dul ba zab mo chos rin po che'i mdzod 'di la phyir rgol ba 'byung / mi stsu ba'i ngang tshul can 'byung lags mod kyi/ bcom ldan 'das bdag cag rnams de bzhin gshegs pas bskal pa bye ba khrag khrig 'bum phrag mang por dge ba'i rtsa ba bsgrubs pa bla na med pa'i chos rin po che'i
102a6 mdzod 'di 'dzin cing klog par spro lags so/ /gang dag tha ma'i dus de na chos 'di tshol ba chos 'di la slob 'tshal ba/ g.yo ma mchis pa drang ba/ sgyu ma mchis pa gang srog gi phyir yang mi gtong ba/ chos 'di lta bu la mi rgol ba chos kyi rnam grangs 'di spong bar mi 'gyur ba/ chos
102a7 kyi rnam grangs 'di la rgyab kyis phyogs par mi 'gyur ba ni rab tu nyung bar 'gyur te/ de dag gi don bgyi zhing spro ba stsal nas/ chos 'di lta bu la yang dag par gzengs bstod par bgyi/ yang dag par rab tu dga' bar bgyi lags so/ /de nas bcom ldan 'das de'i dus
iiif viewer powered by OpenSeadragon
Texts on this page
D14 - 'phags pa rab kyi rtsal gyis rnam par gnon pas zhus pa shes rab kyi pha rol tu phyin pa bstan pa