rKTs

e-texts navigator

Volume

Page

9b₁ bstan pa na gzhi de gtong na de lta na legs/ gal te mi gtong na chos 'di yang lan gsum gyi bar gyis ltung bar 'gyur la 'byung ba dang bcas pa ste dge 'dun lhag ma'o// 'di na dge slong ma 'ga' zhig bka' blo mi bde ba'i rang bzhin can du gyur la/ de la dge slong ma rnams
9b₂ kyis gdon par gtogs pa'i bslab pa'i gzhi rnams dang / bde bar gshegs pa'i mdor gtogs pa rnams kyis chos dang mthun pa dang / 'dul ba dang mthun par smra ba na/ 'phags ma dag khyed cag dge yang rung sdig kyang rung bdag la ci yang ma smra shig/ bdag
9b₃ kyang dge yang rung sdig kyang rung 'phags ma dag la ci yang mi smra'o/ / 'phags ma dag gis bdag la tshig gis lam 'di thong shig/ khyed la yang bdag gis smras pas ci zhig bya zhes bdag nyid brjod par bya ba ma yin par byed na dge slong ma de la dge slong ma rnams
9b₄ kyis 'di skad ces 'phags ma khyod dge slong ma rnams gdon par gtogs pa'i bslab pa'i gzhi rnams dang / bde bar gshegs pa'i mdor gtogs pa rnams kyi chos dang mthun pa dang / 'dul ba dang mthun par smras pa na bdag nyid brjod par bya ba ma yin par ma byed par
9b₅ 'phags mas bdag nyid brjod par bya ba kho nar gyis shig dge slong ma rnams kyis 'phags ma la chos dang mthun pa dang / 'dul ba dang mthun par smras pa na 'phags ma yang dge slong ma rnams la chos dang mthun pa dang / 'dul ba dang mthun par smros shig/ 'di lta ste/ gcig
9b₆ la gcig brjod par bya ba nyid du byed pa dang / gcig la gcig 'doms shing rjes su ston pa dang / gcig gis gcig ltung ba las slong ba nyid de lta bus bcom ldan 'das de bzhin gshegs pa dgra bcom pa yang dag par rdzogs pa'i sangs rgyas de'i 'khor 'di 'phel bar
9b₇ 'gyur gyis/ 'phags ma khyod bdag nyid brjod par bya ba ma yin par byed pa'i las kyi mtha' 'di lta bu 'di thong shig ces bsgo bar bya'o// dge slong ma de la dge slong ma rnams kyis de skad bsgo ba na gal te gzhi de gtong na de lta na legs/ gal te mi gtong na gzhi de

_{iiif viewer powered by OpenSeadragon}

9a - 10a

Texts on this page