rKTs

e-texts navigator

Volume

Page

9a₁ ma dag khyed khyim sun 'byin pa sdig pa'i chos kun tu spyod pa dag yin te/ khyed kyis khyim dag gi sun phyung bar mthong zhing thos la rab tu shes/ khyed sdig pa kun tu spyod par yang mthong zhing thos la rab tu shes kyis/ 'phags ma dag khyed 'di na gnas pas chog
9a₂ gis gnas 'di nas deng shig ces bsgo bar bya'o/ / gal te de dag dge slong ma rnams la 'di skad ces 'phags ma dag 'di na dge slong ma kha cig 'dun pas 'gro ba/ zhe sdang gis 'gro ba/ gti mug gis 'gro ba/ 'jigs pas 'gro ba dag yin te/ 'di ltar ltung
9a₃ ba 'dra ba kho na las dge slong ma kha cig ni skrod par byed/ kha cig ni skrod par mi byed do zhes zer na dge slong ma de dag la dge slong ma rnams kyis 'di skad ces 'phags ma khyed de skad ces 'phags ma dag 'di na dge slong ma kha cig 'dun pas 'gro ba/ zhe sdang gis 'gro ba/ gti
9a₄ mug gis 'gro ba/ 'jigs pas 'gro ba dag yin te/ 'di ltar ltung ba 'dra ba kho na la dge slong ma kha cig ni skrod par byed kha cig ni skrod par mi byed do zhes ma zer cig/ de ci'i phyir zhe na/ dge slong ma de dag ni 'dun pas 'gro ba ma yin/ zhe sdang gis 'gro ba ma yin/
9a₅ gti mug gis 'gro ba ma yin/ 'jigs pas 'gro ba ma yin gyi/ 'di ltar 'phags ma dag nyid khyim sun 'byin pa sdig pa'i chos kun tu spyod pa dag yin te/ khyed kyis khyim dag sun phyung ba yang mthong zhing thos la rab tu shes/ khyed sdig pa kun tu spyod par yang
9a₆ mthong zhing thos la rab tu shes pa'i phyir te/ 'phags ma dag 'dun pas 'gro ba zhes bya ba'i tshig gi lam dang / zhe sdang gis 'gro ba/ gti mug gis 'gro ba/ 'jigs pas 'gro ba zhes bya ba'i tshig gi lam 'di lta bu 'di thong shig ces bsgo bar bya'o// dge slong ma de dag
9a₇ la dge slong ma rnams kyis de skad bsgo ba na gal te gzhi de gtong na de lta na legs/ gal te mi gtong na gzhi de gtong bar bya ba'i phyir lan gnyis lan gsum du yang dag par bsgo bar bya/ yang dag par bstan par bya'o// lan gnyis lan gsum du yang dag par bsgo/ yang dag par

_{iiif viewer powered by OpenSeadragon}

8b - 9b

Texts on this page