| e-texts navigator |
| བོད་ཡིག |
99b1 gzhir mi 'bab la de la 'ga' yang sgra yid du mi 'ong ba 'byin par mi byed do/ / khyim de yang nor dang / 'bru dang / dbyig dang / gser dang / mdzod dang / bang ba dang / bran dang / bran mo dang / las byed pa dang / zho shas 'tsho ba dang / rkang gnyis pa
99b2 dang / rkang bzhi pa la sogs pa dag gis rgyas shing 'phel bar gyur te/ ji ltar rgya mtsho chen po chu klung lnga brgya dag gis nyin gcig bzhin 'gengs par byed pa de bzhin du khyim de yang rgyas par gyur to// re zhig na gyad kyi sna chen po la gtogs pa'i blon po lnga brgya
99b3 rnams kyi chung ma la yang sems can zhugs par gyur to/ / de nas de zla ba brgyad dam dgu 'das te btsas pa las khye'u gzugs bzang ba/ blta na sdug pa/ mdzes pa/ pad ma'i rtsa ba'i mdog ltar dkar ba/ mgo gdugs lta bu/ lag pa ring ba/ 'phral
99b4 ba'i dbyes che ba/ smin tshugs kyi rgyun ma chad pa/ sna'i gzangs mtho ba/ thong ka seng ge'i 'dra ba/ ro stod seng ge'i lta bu dpung pa ring ba zhig btsas so// nyi ma de nyid la gyad kyi sna chen po la gtogs pa'i blon po chen po lnga brgya'i bu rnams kyang btsas so//
99b5 rgod ma lnga brgya yang rte'u 'brangs so// de bzhin du rdzas zhes bya ba'i bar du yang rgyas par brjod par bya'o// de'i nye du rnams 'dus shing lhags nas nyi ma bdun gsum nyi shu rtsa gcig tu zhes bya ba nas/ grong khyer du btsas ston byas te zhes bya ba'i bar dang / khye'u'i
99b6 ming cir gdags zhes bya ba'i bar du brjod par bya'o/ / de dag las kha cig na re nor rnams dang lhan cig skyes la/ gyad kyi sna chen po la gtogs pa'i bu yang yin pas de'i phyir ming gyad bu nor du gdags so zhes zer ro// gzhan dag na re 'di nor dang 'dra bar
99b7 skyes la/ 'di'i pha yang gyad kyi sna chen po la gtogs pa yin pas khye'u'i ming gyad bu nor zhes ming du gdags so zhes zer nas/ ming gyad bu nor du btags te zhes bya ba nas/ ma ma brgyad la gtad do zhes bya ba'i bar dang / 'o ma dang / zho dang / mar sar
iiif viewer powered by OpenSeadragon
Texts on this page
D5 - dge slong ma'i 'dul ba rnam par 'byed pa