| e-texts navigator |
| བོད་ཡིག |
98b1 dang / mngal du zhugs pa shes pa dang / gang las mngal du zhugs pa de yang shes pa dang / khye'ur shes shing bu mor shes pa ste/ gal te khye'u yin na dku g.yas par rten cing 'dug la/ gal te bu mo yin na dku g.yon par rten cing 'dug pa'o// des
98b2 kyang bdag la sems can zhugs pa de dku g.yas par rten cing 'dug pas na khye'ur 'gyur ro snyam du rig nas dga' zhing mgu la yid rab tu dga' bas khyim thab la smras pa/ rje'i sras khyod la bka' mchid snyan pa zhig gsol lo// des smras pa/ bzang mo lha dang
98b3 mi'i gtam snyan pa thob par gyur cig/ gtam snyan pa ji lta bu zhig/ rje'i sras bdag la sems can zhugs par gyur pa ji ltar bdag gi dku g.yas pa mi bde ba las gor ma bkum par bdag gis bu rnyed do// de nas gyad kyi sna chen po la gtogs pa rgyal
98b4 sdes de thos ma thag tu dga' zhing mgu la yid rab tu dga' ste/ bzhin pad ma rgyas pa lta bus dga' ba'i tshig 'di skad ces smras so// bzang mo khyod kyi bu de bzhin du skye bar shog shig/ kho bos kyang bu sdug pa'i ngo mthong ba dang / kho bos yun ring mo zhig
98b5 nas bsams pa'i bu yin la bsam pa bzhin du 'grub pa dang / kho bo dang mthun par skye zhing mi mthun par mi skye ba dang / kho bo'i bya ba dag byed pa dang / gsos pas phyir gso ba dang / kho bo'i nor rdzas la spyod pa dang / kho bo'i rigs rgyud kyang yun ring du
98b6 gnas par 'gyur ba dang / de yang phyug pa dang / nor mang ba dang / longs spyod che ba dang / yongs su gzung ba yangs shing rgya che bar gyur nas bdag gi dbang phyug kyang nyams par mi 'gyur ba dang / bdag cag shi zhing dus las 'das pa na bdag
98b7 cag gi phyir sbyin pa dag sbyin zhing bsod nams dag byas nas 'di de gnyis gang du skyes pa der rjes su 'gro bar gyur cig ces yon sngo bar byed par shog shig/ de la sems can zhugs par rig nas de tshun chad chung ma la dga' bar gyur/ bkur sti che bar
iiif viewer powered by OpenSeadragon
Texts on this page
D5 - dge slong ma'i 'dul ba rnam par 'byed pa