| e-texts navigator |
| བོད་ཡིག |
98a1 gtor ma len pa'i lha dang / lhan cig skyes pa'i lha dang / chos mthun pa pa dang rtag tu rjes su 'brang ba'i lha de dag dang / gzhan yang lha brgya stong dag la gsol ba 'debs par byed do// 'jig rten na yang lha la gsol ba btab pa'i rgyu
98a2 las bu dang bu mo dag skye'o zhes bya ba 'jig rten pa'i gtam de lta bu yod mod kyi de ni de lta ma yin te/ gal te de ltar gyur du zin na dper na 'khor los sgyur ba'i rgyal po bzhin du re re la yang bu stong yod par 'gyur ro// 'on kyang gnas drug po mngon du gyur pa las
98a3 bu dang bu mo dag skye bar 'gyur te/ drug po gang dag ce na/ pha ma gnyis kyis bu rnyed par 'gyur ba'i las dag byas shing bsags pa yin/ bus kyang pha ma rnyed par 'gyur ba'i las byas shing bsags pa yin/ ma yang rung bar gyur cing zla mtshan dang ldan pa
98a4 yin/ pha ma gnyis chags par gyur cing 'dus pa yin/ dri za yang nye bar gnas pa yin/ dri zas kyang sems gnyis po rjes su chags pa dang ldan pa'am/ khong khro ba dang ldan pa gang yang rung ba'i sems yongs su thob pa ste/ gnas drug po 'di dag mngon
98a5 du gyur pa las bu dang bu mo dag skye ba yin no/ / de de ltar lha brgya stong la gsol ba 'debs pa lhur len cing 'dug pa na sems can bsod nams kyi rnam par smin pas dbang che bar grags pa/ sngon gyi sangs rgyas la dge ba'i rtsa ba bskyed pa/ srid pa tha ma pa/
98a6 spyod pa tshol ba/ 'ching ba nyam smad pa/ thar pa'i tshogs bzung ba/ mya ngan las 'das pa la phyogs pa/ 'khor ba las phyir phyogs pa/ srid pa'i 'gro ba thams cad du 'chi 'pho dang skye ba'i don du mi gnyer ba lus tha ma 'dzin pa zhig lha'i 'jig rten nas shi
98a7 'phos nas chung ma de'i mngal du zhugs so/ / 'di na bud med mkhas pa'i rang bzhin can kha cig shes par bya ba'i gnas lnga rab tu shes te/ skyes pa chags par gyur pa shes shing skyes pa chags pa dang bral ba shes pa dang / dus shes shing zla mtshan shes pa
iiif viewer powered by OpenSeadragon
Texts on this page
D5 - dge slong ma'i 'dul ba rnam par 'byed pa