| e-texts navigator |
| བོད་ཡིག |
91a1 gang gi tshe khyim thab smyos par gyur tam/ sems 'khrugs par gyur ces bya ba nas/ pha ma shi bar gyur tam/ ming po dang phu nu mo shi bar gyur pa na de la sgyug mos 'di skad ces bdag gi bu la blta ba ji lta bar khyod la yang de lta bu yin pas
91a2 khyod kyi bza' ba dang bgo ba bdag gis sbyar gyis mna' ma dga' bar gyis shig/ mna' ma 'dug par gyis shig ces smras nas/ bdag gi 'di la 'ga' zhig gis ma brtags par nan gyis btsan thabs su 'dod pa'i phyir spyod par mi 'gyur bar bya'o snyam nas
91a3 bsrungs shin tu bsrungs/ sbas shin tu sbas par gyur pa 'di ni sgyug mos bsrungs pa zhes bya'o// sgyug mos bsrungs pa ji lta ba bzhin du gyos pos bsrungs pa yang brjod par bya'o// nye dus bsrungs pa'i mdza' na mo gang zhe na/ 'di lta ste/ bud
91a4 med dam gzhon nu ma gang zhig khyim thab smyos par gyur tam/ sems 'khrugs par gyur ces bya ba nas pha ma shi bar gyur tam/ ming po dang / phu nu mo dang / sgyug mo dang / gyos po shi bar gyur pa na de nye du'i drung na gnas shing / de la nye du rnams
91a5 kyis bdag cag gi 'di la 'ga' zhig gis ma brtags par nan gyis btsan thabs su 'dod pa'i phyir spyod par mi 'gyur bar bya'o snyam nas bsrungs/ shin tu bsrungs/ sbas shin tu sbas par gyur pa 'di ni nye dus bsrungs pa'i mdza' na mo zhes bya'o//
91a6 nye du zhes bya ba ni pha mes dang ma mes gnyi ga'i bdun rgyud gzung ngo // rigs kyis bsrungs pa'i mdza' na mo gang zhe na/ 'di lta ste/ bud med dam gzhon nu ma gang zhig gang gi tshe khyim thab smyos par gyur tam/ sems 'khrugs par gyur ces bya ba'i bar nas/
91a7 pha ma shi bar gyur tam/ ming po dang phu nu mo dang sgyug mo dang gyos po dang nye du shi bar gyur pa na de bdag nyid dang rus gcig pa'i drung na gnas shing / de la de dag gis bdag cag gi 'di la 'ga' zhig gis ma brtags par nan gyis btsan thabs su 'dod pa'i phyir
iiif viewer powered by OpenSeadragon
Texts on this page
D5 - dge slong ma'i 'dul ba rnam par 'byed pa