| e-texts navigator |
| བོད་ཡིག |
85a1 slong ma mang pos bzhams te bsgo la/ dge slong ma mang pos de dag gzhams te bsgo yang gzhi de nyid la nan gyis mchog tu 'dzin cing mngon par zhen nas 'di ni bden gyi gzhan ni pa'o zhes rjes su tha snyad 'dogs te/ de'i slad du dge
85a2 'dun gyis dge slong ma bcu gnyis sde rnams la gsol ba dang bzhi'i las kyis bsgo ba mdzad do/ / tshe dang ldan pa gang dag dge slong ma bcu gnyis sde 'di dag la gsol ba dang bzhi'i las kyis bsgo ba mdzad par bzod pa de dag ni cang ma gsung shig/ gang dag
85a3 mi bzod pa de dag ni gsung shig/ 'di ni las brjod pa gnyis pa'o// gsum pa la yang las de nyid brjod par bya ste/ 'phags ma'i dge 'dun phu nu mo dag bdag la gsan du gsol/ bcu gnyis sde 'di dag dge slong 'thab mo bgyid pa/ mtshang 'dru
85a4 bar bgyid pa/ 'gyed par bgyid pa/ rtsod par bgyid pa/ 'thab krol bgyid pa/ dge slong ma rnams dang shin tu 'dre bas lhan cig gnas par gyur pa/ dge slong rnams kyis gnas nas dbyung ba'i las bgyid pa/ dge slong ma rnams kyis kyang phyag bgyi
85a5 ba'i 'os ma lags pa'i sdom pa bsgo ba/ skra 'greng bar gyur/ spu langs par gyur pa las dge 'dun la spu snyol ba 'tshal/ 'byung bar skyod par bgyid/ mthun par bgyid pa ston par 'tshal/ mtshams kyi nang du mchis te bzod pa gsol bar 'tshal
85a6 bzhin du de'i gan du song ste 'di skad ces 'phags pa khyod dge 'dun la spu snyol bar ma byed cig/ 'byung bar ma skyod cig/ mthun par byed pa ma ston cig/ mtshams kyi nang du 'dug ste bzod pa gsol bar ma byed cig/ bdag cag gis khyod la lhung bzed dang /
85a7 chos gos dang / dra ba dang / phor bu dang / ska rags dang / dran par bya ba dang / dri bar bya ba dang / rtsa ba'i sman dang / sdong bu'i sman dang / lo ma'i sman dang / me tog gi sman dang / 'bras bu'i sman dus su rung ba dang / thun tshod du rung ba dang / zhag
iiif viewer powered by OpenSeadragon
Texts on this page
D5 - dge slong ma'i 'dul ba rnam par 'byed pa