| e-texts navigator |
| བོད་ཡིག |
82a1 bzod pa gsol bar bya'o snyam du bsams so/ / yang gre skyes 'di snyam du ma la bdag sring mo dag gang na bar song la phyin nas sring mo dag la yang dri'o snyam du bsams nas/ gre skyes bcu gnyis sde gang na ba der song ste phyin nas skabs de dag rgyas
82a2 par smras so/ / re zhig na bcu gnyis sde dag gis gre skyes la 'di skad ces smras so// 'phags pa gre skyes khyod rigs sna tshogs dang / rus sna tshogs dang / khyim sna tshogs nas rab tu byung ba rnams kyi drung du spu snyol bar ma byed cig/ mthun par byed par ma
82a3 ston cig/ mtshams kyi nang du 'dug ste bzod pa gsol bar ma byed cig/ de ci'i phyir zhe na/ bdag cag gis lhung bzed dang / chos gos dang / dra ba dang / phor bu dang / ska rags dang / nad gsos kyi sman dus su rung ba dang / thun tshod du rung ba dang /
82a4 zhag bdun du rung ba dang / ji srid 'tsho'i bar du rung ba rnams dang / dran par bya ba dang / dri bar bya ba ci dang cis brel ba de dang des mi brel bar bsnyen bkur bgyi'o zhes smras pa'i skabs de dge slong ma rnams kyis dge slong dag la smras so// dge slong rnams kyis
82a5 kyang bcom ldan 'das la gsol to/ / // dge slong ma'i 'dul ba rnam par 'byed pa/ bam po drug pa/ de nas bcom ldan 'das kyis dge slong ma rnams la bka' stsal pa/ dge slong ma dag bcu gnyis sde la bzhams te bsgo bar bya'o// 'di ltar
82a6 bsgo bar bya ste/ dge slong ma khyed cag dge slong gang zhig dge slong gi dge 'dun gyis gnas nas dbyung ba'i las byas pa dang / dge slong ma'i dge 'dun rnams kyis kyang phyag bya ba'i 'os ma yin pa'i sdom pa bsgo la/ dge slong de yang skra 'greng bar gyur/ spu
82a7 langs par gyur pa las dge 'dun la spu snyol bar 'dod/ 'byung bar skyod par byed/ mthun par byed pa ston par byed 'dod/ mtshams kyis nang du 'dug ste bzod pa gsol bar byed 'dod la/ de'i phyir 'thab mo dang mtshang 'dru ba spong bar 'dod par shes
iiif viewer powered by OpenSeadragon
Texts on this page
D5 - dge slong ma'i 'dul ba rnam par 'byed pa