| e-texts navigator |
| བོད་ཡིག |
80a1 yang rung ba'o/ / shes bzhin du zhes bya ba ni bdag nyid kyis mthong ba'am/ de la gzhan gyis smras par gyur nas so// bcabs na zhes bya ba ni 'khyud nas so// gang gi tshe dge slong ma de shi bar gyur tam zhes bya ba ni de'i srog gi dbang po
80a2 'gags par gyur pa'o/ / nyams sam zhes bya ba ni bslab pa phul ba'o// 'khyams sam zhes bya ba ni yul btang bar gyur na'o// 'phos par gyur ces bya ba ni gzhan mu stegs can gyi gnas la rten pa'o// de'i tshe dge slong ma de zhes bya ba ni mdza' can
80a3 ma'o/ / dge slong ma 'di zhes bya ba ni chos 'di pa rnams kyi'o// 'di la ltung ba 'di lta bu dang 'di lta bu dag byung bar snga nas shes so// zhes bya ba ni brgyad po dag las gang yang rung bdag go// de skad zer na zhes bya ba ni smras na'o// dge slong ma zhes bya ba
80a4 ni gang la dge slong ma'i dngos po yod pa de'o/ / dge slong ma'i dngos po gang zhe na/ bsnyen par rdzogs pa'o// bsnyen par rdzogs pa gang zhe na/ gzhan thams cad rgyas par brjod par bya'o// de zhes bya ba ni bstan pa dang / nye bar bstan pa'i tshig so// dge
80a5 slong ma bcu gnyis po dag tu de bsko bar mi bya'o zhes bya ba'i bar du'o/ / de la ltung bar ji ltar 'gyur zhe na/ dge slong mas dge slong ma'i kha na ma tho ba shes bzhin du bcabs na ji ltar yang rung ste thams cad du phas pham par 'gyur ro// dge slong ma'i rnam par 'byed pa las
80a6 phas pham par gyur pa bdun pa rdzogs / / // sangs rgyas bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so// de'i tshe mnyan yod na dge slong gre skyes zhes bya ba zhig gnas pa 'thab mo byed pa/
80a7 mtshang 'dru bar byed pa/ 'gyed par byed pa/ rtsod par byed pa/ 'thab krol byed pa des dge 'dun rnams kyis gnas nas dbyung ba'i las byas so// dge slong gre skyes gnas nas dbyung ba'i las byas par skye dgu'i bdag mo chen mo gau ta mIs thos so// thos
iiif viewer powered by OpenSeadragon
Texts on this page
D5 - dge slong ma'i 'dul ba rnam par 'byed pa