| e-texts navigator |
| བོད་ཡིག |
79a1 par rdzogs pa gang zhe na/ gsol ba dang bzhi'i las kyi bya ba byed pa nyid dang / rtog pa nyid dang / yang dag par rtog pa nyid dang / mthar phyin par byed pa nyid dang / yang dag par mthar phyin par byed pa nyid dang / de'i khas len pa nyid dang / nye bar
79a2 khas len pa dang / mngon par khas len pa zhes bya ba snga ma bzhin no// ltung ba byas na zhes bya ba ni lhag par spyad na'o// byas ma thag tu zhes bya ba ni de'i mod nyid la'o// de zhes bya ba ni nye bar bstan pa dang / kun du bstan pa'i tshig so zhes bya ba
79a3 nas/ dge slong ma bcu gnyis po dag tu de bsko bar mi bya'o zhes bya ba'i bar du'o// de la ltung bar ji ltar 'gyur zhe na/ dge slong ma gang chags pas skyes pa chags pa dang lhan cig brda byed na ltung ba sbom por 'gyur ro// dus 'debs na'ang sbom por 'gyur ro//
79a4 mtshan ma ston na sbom por 'gyur ro// 'phyar g.yeng byed na sbom por 'gyur ro// gzhogs stegs byed na sbom por 'gyur ro// rtsab hral byed na sbom por 'gyur ro// skyes pa 'ongs pa bdag gir byed na sbom por 'gyur ro// gang du bud med skyes pas bgrod par
79a5 byar mi rung ba slar zlog tu rung ba'i gnas su lus bkan na sbom por 'gyur ro/ / gang du bud med skyes pas bgrod par byar rung ba phyir bzlog tu med pa'i gnas su lus bkan na phas pham pa'i ltung bar 'gyur ro// las dang po pa la sogs pa la nyes pa med do// dge
79a6 slong ma'i rnam par 'byed pa las/ phas pham par gyur pa drug pa rdzogs // // sangs rgyas bcom ldan 'das rgyal po'i khab na 'od ma'i tshal bya ka lan da ka gnas pa na bzhugs so// gang gi tshe dge slong ma mdza' mo rang gi dam bcas pa las nyams par
79a7 gyur pa de'i tshe de nyams pas phu nu mo mdza' can ma ngus par gyur to/ / dge slong ma rnams kyis de la smras pa/ mdza' can ma ci bcom ldan 'das kyis tshogs pa'i mtha' 'bral bar 'gyur ba'o// zhes ma gsungs sam ci na ngu bar byed/ des 'di skad ces smras so//
iiif viewer powered by OpenSeadragon
Texts on this page
D5 - dge slong ma'i 'dul ba rnam par 'byed pa