| e-texts navigator |
| བོད་ཡིག |
78a1 de la 'di skad ces smras so/ / bzhin thong thong / de nas spos 'tshong gi khye'u des 'di snyam du gdon mi za bar 'di ni mi bde ba zhig tu 'dug go snyam du bsams nas des kyang btang ngo // de nas sbom dga' mos rgyab bde bar bzhag ste rkang pa
78a2 g.yas pa bskum nas spos 'tshong gi khye'u de la rdog pa gcig brgyab nas rtsib ma gnyis bcag go/ / de nas spos 'tshong gi khye'u de khrag tu skyug bzhin du bros te song ngo // de nas sbom dga' mo dbyar khang gi dbus su 'dug nas bdud bcom mo// bdud bcom mo
78a3 zhes bos so/ / de nas dge slong ma de dag gis thos nas 'di skad ces smras so// ci phu nu mo khyod kyis rgyun du zhugs pa'i 'bras bu mngon sum du byas sam/ lan gcig phyir 'ong ba'i 'bras bu'am/ phyir mi 'ong ba'i 'bras bu'am/ 'bras bu'i mchog dgra
78a4 bcom pa nyid mngon sum du byas/ chung ngu na gzhan dag sangs rgyas kyi bstan pa la dge ba'i rtsa ba bskyed/ des 'di skad ces smras so// cang ma yin no// de dag gis 'di skad ces smras so// 'o na khyod kyis bdud ci lta bu zhig bcom/ des skabs de dag phal mo che'i
78a5 nang du smras so/ / de nas dge slong ma de dag gis sbom dga' mo la 'di skad ces smras so// khyod rem pa zhig dang ma phrad du zad kyi de lta bu zhig na khyod thag bcug par 'gyur ro// de nas dge slong ma mang po rnams kyis sbom dga' mos smras kyang dga' bar yang mi byed/ khro
78a6 bar yang mi byed do/ / dga' bar yang mi byed/ khro bar yang mi byed pa dang stan las langs te dong ngo // de nas dge slong ma mang pos skabs de dge slong dag la smras so// dge slong rnams kyis kyang bcom ldan 'das la gsol to// de nas bcom ldan 'das kyis byung
78a7 ba 'di dang / gleng gzhi 'di dang / dngos po 'di dang / skabs 'di la zhes bya ba nas skye bo mang po la phan pa lha dang mi'i bar dag la yang dag par rab tu bstan pa zhes bya ba'i bar du snga ma ji lta ba de bzhin du brjod par bya'o// yang nyan thos ma rnams kyis 'dul ba la
iiif viewer powered by OpenSeadragon
Texts on this page
D5 - dge slong ma'i 'dul ba rnam par 'byed pa