| e-texts navigator |
| བོད་ཡིག |
77b1 spos 'tshong gi khye'u gzugs bzang ba/ mdzes pa/ blta na sdug pa zhig 'dug pa des rigs mnyam pa las chung ma blangs te de chung ma de dang lhan cig rtse bar byed/ dga' bar byed/ dga' mgur spyod par byed do// de blangs nas ring po ma lon par de nas dge slong ma
77b2 sbom dga' mo spos 'tshong gi khye'u de la chags par gyur te/ de spos 'tshong gi khye'u de'i gan du song ste/ 'di skad ces smras so// bzhin khyod ci ga bag ma sar pas sems mgu'am/ des 'di skad ces smras so// 'phags ma gal te mgu bar gyur na
77b3 yang don 'di khyod la ci dgos/ gal te ma mgu bar gyur na yang don 'di khyod la ci dgos/ de skad ces smras pa dang / sbom dga' mos spos 'tshong gi khye'u la 'di skad ces smras so// ngas ko khyod dang lhan cig dgos pa cung zad cig bya bar nus snyam na cung zad kyang
77b4 mi bzod na der zad do/ / de nas spos 'tshong gi khye'u des dge slong ma 'di ni sems chags par gyur to snyam du bsams so// de de'i drung du yang dang yang du song nas brda byed/ dus 'debs/ mtshan ma ston par byed cing / 'phyar g.yeng dang / gzhogs stegs dang /
77b5 rtsab hral dag kyang byed do// de nas spos 'tshong gi khye'u de dus gzhan zhig na sbom dga' mo'i drung du 'ongs pa dang / des de g.yogs te bzhag go// de nas sbom dga' mo gtsug lag khang gi phyi rol du song ste rkang lag bkrus nas slob ma dang nye gnas rnams la bsgo
77b6 ba byas nas spos 'tshong gi khye'u de dang dben par song ste 'dug go/ / re zhig na des 'khrig thabs su bcug pa dang / de'i tshe sbom dga' mos 'di snyam du bdag dge slong ma rnams kyi gong du 'gro ba gang ci yang rung ba de dag thams cad ni tshul khrims dang / brtul
77b7 zhugs dang / tshangs par spyod pa la gnas pa'i drin yin na/ gal te da bdag gis rnam pa 'di lta bu'i nyes par spyod pa spyad pas dge slong ma nyams par byas na su zhig bdag la 'dri bar byed snyam du sems bskyed cing bsams nas sbom dga' mos spos 'tshong gi khye'u
iiif viewer powered by OpenSeadragon
Texts on this page
D5 - dge slong ma'i 'dul ba rnam par 'byed pa