| e-texts navigator |
| བོད་ཡིག |
76a1 nam/ bcom ldan 'das bgyis mad do// sangs rgyas bcom ldan 'das kyis dge sbyong gi tshul ma yin pa/ rung ba ma yin pa/ tshul dang mthun pa ma yin pa de ni rab tu byung bas bya ba ma yin no zhes rnam par smad pa mdzad do// de nas bcom
76a2 ldan 'das kyis rnam grangs du mas rnam par smad nas dge slong ma'i dge 'dun la bka' stsal pa/ dge slong ma dag de lta bas na phan yon bcu po 'di lta ste/ dge 'dun bsdu bar bya ba'i phyir dang / dge 'dun legs par bya ba'i phyir dang / dge 'dun mthun par
76a3 bya ba'i phyir dang / dge 'dun bde bar gnas par bya ba'i phyir dang / gnod mi bkur ba'i gang zag tshar gcad pa'i phyir dang / ngo tsha shes pa rnams bde bar gnas par bya ba'i phyir dang / ma dad pa rnams dad par bya ba'i phyir dang / dad pa rnams phyir zhing
76a4 rgyas par bya ba'i phyir dang / tshe 'di'i zag pa rnams bsdam par bya ba'i phyir dang / tshe rabs phyi ma'i zag pa rnams bzlog par bya ba'i phyir dang / tshangs par spyod pa rjes su gzung bar bya ba'i phyir dang / tshangs par spyod pa yongs su rdzogs par bya ba'i phyir dang / bstan pa
76a5 mthun par bya ba'i phyir dang / nga'i bstan pa yangs par gyur pa skye bo mang po la phan pa/ lha dang mi'i bar dag la yang dag par rab tu bstan pa yun ring du gnas par 'gyur ba la yang dag par gzigs nas 'dul ba la nyan thos ma rnams kyi bslab pa'i gzhi bca' bar bya'o//
76a6 nga'i nyan thos ma rnams kyis 'dul ba la bslab pa'i gzhi 'di ltar gdon par bya ste/ yang dge slong ma gang chags par gyur pas skyes pa chags pa dang lhan cig pus mo yan chad mig man chad sprad kun du sprad pa nyams su myong bar byed na dge slong ma de phas pham par gyur
76a7 pa yin pas gnas par mi bya'o/ / yang dge slong ma gang zhes bya ba ni sbom dga' mo'o// chags par gyur pas zhes bya ba ni chags pas dang / yang dag par zhen pas dang / kun nas dkris pas so// skyes pa zhes bya ba ni 'dzin gyi bu 'am/ de
iiif viewer powered by OpenSeadragon
Texts on this page
D5 - dge slong ma'i 'dul ba rnam par 'byed pa