| e-texts navigator |
| བོད་ཡིག |
75b1 lag tsam reg par bya'o zhes smras nas des de pang du blangs te pus mo yan cad dang mig man cad sprad kun sprad par byas pa las sbyor ba de yang dge slong ma dge skos mas tshor bar gyur to/ / dge slong ma'i dge 'dun ma yang mnyan yod du bsod snyoms byas nas zas kyi bya
75b2 ba byas te zas phyi ma'i bsod snyoms spangs nas/ slar log pa na 'dzin gyi bu'i gnas gang yin pa der song ngo // de nas dge slong ma dge skos ma des de dag la 'di skad ces smras so// kye phu nu mo dag 'dzin gyi bu 'dis bdag cag la chos kyi don
75b3 du gnas dben pa rab tu byin snyam na 'dis ni mgo reg mo rnams slas kyi btsun mo lta bur bzhag par bdag gis 'phrigs kyis/ kye phu nu mo dag khyed gang la tshul khrims dgos pa de dag gzhan du deng shig/ de dag gis de la dris pa/ de ji zhig/ des dge slong
75b4 ma rnams la skabs de rgyas par smras so/ / dge slong ma rnams kyis kyang dge slong dag la smras so// dge slong rnams kyis kyang bcom ldan 'das la gsol to// de nas bcom ldan 'das kyis nga'i gnyi ga'i dge 'dun gyis don shes pa dang / ngas bslab
75b5 pa'i gzhi yang legs par bcas par 'gyur ro snyam nas byung ba 'di dang / gleng gzhi 'di dang / dngos po 'di dang / skabs 'di la gnyi ga'i dge 'dun bsdu ba mdzad do// sangs rgyas bcom ldan 'das rnams ni mkhyen bzhin du rmed par mdzad pa ste/ mkhyen
75b6 bzhin du rmed kyi mi mkhyen par ma yin/ dus su yin gyi dus ma yin par ma yin/ don dang ldan par yin gyi don dang mi ldan par ma yin te/ sangs rgyas bcom ldan 'das rnams ni 'di lta ste/ don dang mi ldan par rmed pa ni chu lon gyis zlog par mdzad pa
75b7 yin no/ / de la sangs rgyas bcom ldan 'das rnams ni 'di lta ste/ don dang ldan pa rmed pa la dus mkhyen pa yin pas sangs rgyas bcom ldan 'das kyis dge slong ma sbom dga' mo la rmas pa/ dge slong ma khyod kyis 'di ltar tshul ma yin pa mi mdzes par byas pa bden
iiif viewer powered by OpenSeadragon
Texts on this page
D5 - dge slong ma'i 'dul ba rnam par 'byed pa