| e-texts navigator |
| བོད་ཡིག |
71b1 bya ba nas/ 'dis las byas shing shes bya ba dang / chung ma chun mar gyur cing khyo shi bar gyur nas khyim nas byung ste/ bcom ldan 'das 'od srung gi gsung rab la khyim med par rab tu byung nas der 'dis lo stong phrag bcu'i bar du tshangs par spyod pa la gnas
71b2 shing yongs su bsrungs te/ phung po dang / khams dang / skye mched la mkhas pa dang / gnas dang gnas ma yin pa la mkhas pa dang / rten cing 'brel par 'byung ba la mkhas par gyur kyang ye shes mthar thug par khong du chud par ma gyur mod kyi 'on kyang
71b3 de'i tshe smon lam btab pa/ bcom ldan 'das 'od srung gis bram ze'i khye'u bla ma rdzogs pa'i byang chub tu lung bstan pa de bdag gis mnyes par byed kyi mi mnyes par byed par ma gyur cig ces byas pas 'dis nga mnyes par byas te/ mi mnyes par ma byas la tshangs par spyod
71b4 pa gang yin pa la gnas shing de yongs su bskyangs pa'i las de'i rnam par smin pas dgra bcom pa nyid thob par gyur to/ / gsung rab de la yang dge slong ma gang gi drung du rab tu 'byung bar byed pa de bcom ldan 'das 'od srung gis de mngon par shes pa myur ba rnams kyi mchog tu
71b5 bstan pa de'i tshe yang 'dis smon lam btab pa/ bcom ldan 'das 'od srung gis bdag gi mkhan po mngon par shes pa myur ba'i mchog tu bstan pa ji lta ba de bzhin du/ bram ze'i khye'u bla ma rdzogs par byang chub par thob pa na bdag kyang mngon par shes pa myur ba'i mchog tu
71b6 bstan par shog shig ces bya ba nas/ dge slong dag de ltar bslab par bya'o// zhes bya ba'i bar du'o// yang dge slong rnams the tshom skyes te zhes bya ba nas tshe dang ldan pa 'od srung chen pos las ci zhig bgyis shing bsags na/ 'di ltar las kyi rnam par smin pas
71b7 nor mang ba dang / longs spyod che ba'i khyim du skyes shing / de'i 'byor pa 'di ltar las kyi mtha' pa'i grong sum bcu dang zhes bya ba nas/ gser gyi nas kyis gang ba'i sbyang ba brgyad bcu dang / rmon pa dor dgu brgya dgu bcu rtsa dgu zhes bya ba'i bar du'o// dge slong
iiif viewer powered by OpenSeadragon
Texts on this page
D5 - dge slong ma'i 'dul ba rnam par 'byed pa