| e-texts navigator |
| བོད་ཡིག |
71a1 chung ma gnyis blangs na bde ba nyams su myong bar mi 'gyur ro zhes bya ba'i bar du'o// chun ma la ni bu mo'i 'du shes 'jog la zhes bya ba nas/ snga ma zil gyis gnon pa yin pas snga ma gang yin pa la 'dri bar yang mi byed do zhes bya ba'i bar du'o// bdag
71a2 'di ltar ci'i phyir 'dug ces bya ba nas/ des khyo la smras pa/ bdag skyabs su mchi zhing bslab pa'i gzhi len du mchi yis mkhyen par mdzod cig ces smras pa dang / des kyang gnang ngo // de yang skyabs su song nas bslab pa'i gzhi blang ba byas so// de nas mi de sems
71a3 pa la zhugs pa na 'di snyam du/ 'di ltar bdag gi yon gnas ni 'di yin no zhes bsams te zhes bya ba nas me tog dang / 'bras bu dang / bza' ba ches sngar sbyin par byed cing / phyis ni chun ma de la'o zhes bya ba'i bar du'o// des 'di snyam du/ khyim gyi
71a4 bya ba cung zad gang yin pa de dag thams cad ni bdag byed la/ 'di ni nyal zhing za ba yin pa snyam du bsams te zhes bya ba nas/ mi des chun ma la kun du sbyor ba bya ba'i phyir bos pa dang zhes bya ba nas/ des smras pa/ chen ma dang lhan cig mdzod cig
71a5 ces smras pa'i bar du'o/ / bslab pa'i gzhi blangs so zhes bya ba nas/ nyon mongs pa ni shin tu stobs che ba nyid kyi phyir chung ma'i gan du song ste 'khyud pa dang / des smras pa/ rje'i sras khyod kyis bdag 'di ltar bslab pa'i gzhi len par gnang bar bgyis
71a6 pa nyid ma lags sam/ da ltar gyi 'di lta bu ni rung ba ma lags so// des de la nan gyis dga' mgur spyad do zhes bya ba'i bar du'o// de'i tshe chun mar gyur pa gang yin pa de ni ser skya'i bu mo bzang mo 'di yin te/ 'dis de'i tshe chen ma'i brtul zhugs gang yin pa nyams
71a7 par byas pa'i las de'i rnam par smin pas dgra bcom pa nyid thob kyang ma skyes dgras zhag bdun du spyad par gyur to/ / bcom ldan 'das las ci zhig bgyis na gang gi slad du 'dis dgra bcom pa nyid thob cing mngon par shes pa myur ba rnams kyi mchog tu bstan ces
iiif viewer powered by OpenSeadragon
Texts on this page
D5 - dge slong ma'i 'dul ba rnam par 'byed pa