rKTs

e-texts navigator

Volume

Page

70b₁ bya ba'i bar du'o/ / dge slong dag de gnyis kyis las byas shing zhes bya ba nas/ grong khyer bA rA Na sI na rgyal po tshangs byin zhes bya ba rgyal srid byed do zhes bya ba'i bar du'o// re zhig na rgyal po'i pho brang de na gzugs kyis 'tsho ba bzang mo zhes bya ba sgyu rtsal drug bcu dang
70b₂ ldan pa/ kAr ShA pa Na lnga brgya las mi nyung bar spyod pa zhig gnas so// de nas dus gzhan zhig na rgyal po'i pho brang de'i dga' 'dun pa lnga brgya rnams kyis bza' ba dang / btung ba rab tu mang po khyer te zhes bya ba nas/ rgyal po'i bus khrid de song ngo zhes bya ba'i bar du'o//
70b₃ re zhig na dga' 'dun pa rnams kyis rang sangs rgyas la bsod snyoms phul te/ smon lam btab pa zhes bya ba nas/ de'i tshe gzugs kyis 'tsho ma gang yin pa de ni bzang mo 'di yin te/ de'i tshe de'i dus na ser skya'i bu mo bzang mo 'di nyid der gyur to zhes bya ba dang /
70b₄ dga' 'dun pa lnga brgya gang yin pa de ni gcer bu pa lnga brgya 'di yin te zhes bya ba'i bar dang / las gcig tu dkar ba rnams kyi rnam par smin pa yang gcig tu dkar ba yin la/ las gcig tu gnag pa rnams kyi rnam par smin pa yang gcig tu gnag pa yin par blta
70b₅ bar bya'o zhes bya ba'i bar du'o/ / yang dge slong rnams the tshom skyes nas the tshom thams cad gcod pa sangs rgyas bcom ldan 'das la gsol pa zhes bya ba nas dgra bcom pa nyid thob nas kyang rgyal po ma skyes dgras sun phyung bar gyur ces bya ba'i bar du'o// dge slong
70b₆ dag sngon byung ba 'das pa'i dus na bskal pa bzang po 'di nyid la skye dgu'i tshe lo nyi khri thub pa na yang dag par rdzogs pa'i sangs rgyas 'od srung zhes bya ba byung ste/ bA rA Na sI na drang srong smra ba kyi nags na bzhugs so// de'i tshe de'i dus na grong khyer bA rA Na sI na tshong dpon nor
70b₇ mang ba longs spyod che ba zhig ces bya ba nas/ bu med par gyur to zhes bya ba'i bar dag dang / shi nas rgyal po'i pho brang du bsdus par 'gyur ro snyam zhes bya ba'i bar du'o// des de la smras pa/ rje'i sras 'di ltar thugs mi dgyes par ma bzhugs shig ces bya ba nas/

_{iiif viewer powered by OpenSeadragon}

70a - 71a

Texts on this page