rKTs

e-texts navigator

Volume

Page

70a₁ tshogs kyi ljon shing mchog tu mdzes pa dang ldan pa zhes bya ba'i bar du'o/ / sangs rgyas bcom ldan 'das 'jig rten du mi 'byung ba'i tshe rang sangs rgyas 'jig rten du 'byung bar 'gyur te zhes bya ba nas/ rang sangs rgyas nad pa zhig ces bya ba'i bar
70a₂ nas sman pa'i gan du song ste zhes bya ba'i bar te/ sman pas smras pa/ grong du bzhud cig ces bya ba nas/ tshong dpon gyi skyed mos tshal du 'dug go zhes bya ba'i bar du'o// re zhig na tshong dpon gyis mthong nas yo byad thams cad sbyar te/ zhes bya ba nas nad sos par gyur to
70a₃ zhes bya ba'i bar du'o/ / yongs su mya ngan las 'das par gyur ces bya ba nas/ sku gdung gi mchod rten byas so zhes bya ba'i bar du'o// re zhig na tshong dpon gyis mchod rten skya bor mthong ste zhes bya ba nas/ chung ma la smras pa zhes pa'i bar du'o// des de la yung gis
70a₄ byugs nas me tog bkram ste smon lam btab pa/ kye ma'o a la la 'phags pa ji srid 'tsho'i bar du bsnyen bkur bgyis pa dang / yongs su mya ngan las 'das nas kyang mchod rten brtsigs te sbyin par bya ba'i chos yongs su btang ba'i dge ba'i rtsa ba 'dis phyug pa dang / nor
70a₅ che ba dang / longs spyod che ba'i khyim du skye bar gyur cig/ 'dis ji lta bu'i chos rnyed pa de lta bu'i chos khong du chud par 'gyur ba dang / 'di bas ches khyad par du 'phags pa'i ston pa mnyes par bgyid kyi mi mnyes par bgyid par ma gyur cig ces byas so// dge slong
70a₆ dag de'i tshe tshong dpon gang yin pa de ni 'od srung chen po 'di yin no/ / de'i tshe de'i dus na tshong dpon gyi chung ma gang yin pa de ni ser skya'i bu mo bzang mo 'di nyid yin par gyur to zhes bya ba nas/ yung gis byugs pas gser gyi mdog tu gyur to zhes bya ba'i bar dang / dge slong
70a₇ dag de ltar bslab par bya'o zhes bya ba'i bar du'o/ / yang dge slong dag ces bya ba nas/ bcom ldan 'das bzang mos las ci zhig bgyis na 'od srung chen po dang lo bcu gnyis kyi bar du lhan cig mal gcig na mchis pa'i tshe yang 'khrig pa'i sbyor ba ma bgyis par gyur ces

_{iiif viewer powered by OpenSeadragon}

69b - 70b

Texts on this page