| e-texts navigator |
| བོད་ཡིག |
69a1 pad ma ji snyed dgos pa byin pa dang / de dga' ba dang / mgu ba dang / rangs pa'i bsam pas pad ma blangs te/ de bud med gang na bar song nas/ dga' ba nyams su myong bar byas so// de nas de gnyis kyis 'di snyam du bdag cag 'dod
69a2 pa'i rgyus kun nas nyon mongs par gyur pa gang yin pa la ltos/ 'dod chags kyi sdug bsngal mi 'byung bar ji ltar bya snyam du bsams so// sangs rgyas bcom ldan 'das 'jig rten du ma byung ba de'i tshe rang sangs rgyas 'jig rten du 'byung bas de dang ha cang yang mi ring ba zhig na
69a3 rang sangs rgyas kyi mchod rten zhig yod pa de la pad ma de dag phul nas smon lam btab pa/ sbyin par bya ba'i chos yongs su btang ba'i dge ba'i rtsa ba 'dis gang dang gang du skyes pa'i tshe rabs de dang der nyon mongs pa chung bar gyur cig ces byas so// de'i tshe pad ma len pa'i mi gang yin
69a4 pa de ni 'od srung chen po 'di yin no/ / de'i tshe de'i dus na bud med gang yin pa de ni ser skya'i bu mo bzang mo 'di yin no// de la pad ma phul ba gang yin pa de'i las kyi rnam par smin pas 'dod chags chung bar gyur to// yang bcom ldan 'das la dge slong rnams kyis
69a5 gsol pa/ bcom ldan 'das ser skya'i bu mo bzang mos las ci zhig bgyis shing bsags na/ gang gi slad du des 'dzam bu'i chu bo'i gser las bgyis pa'i gzugs brnyan rang gi 'od kyis mog mog por bgyis par gyur/ bcom ldan 'das kyis bka' stsal pa/
69a6 dge slong dag 'di nyid kyis las gang dag byas shing bsags pa zhes bya ba rgyas par bya'o// dge slong dag sngon byung ba 'das pa'i dus bskal pa dgu bcu rtsa gcig na skye dgu rnams kyi tshe lo brgyad khri thub pa na yang dag par rdzogs pa'i sangs rgyas rnam par gzigs
69a7 zhes bya ba nas/ sangs rgyas bcom ldan 'das zhes bya ba'i bar byung ngo // de gang gi tshe bla na med pa yang dag par rdzogs pa'i byang chub mngon par rdzogs par sangs rgyas pa de'i tshe rgyal po'i pho brang gnyen ldan du byon nas zhes bya ba nas/ rgyal po'i pho brang du zhal
iiif viewer powered by OpenSeadragon
Texts on this page
D5 - dge slong ma'i 'dul ba rnam par 'byed pa