| e-texts navigator |
| བོད་ཡིག |
68b1 bud med de yang khyim thab kyis bkrol ba dang / de mi mngon par shing de ga na ba der song ba dang / de dag gis mthong nas smras pa/ ci'i phyir khyod kyis nged cag bslus/ des ji ltar gyur pa'i lo rgyus rnams de dag la smras so// de nas de dag gis smras pa/ khyod
68b2 mig sngar 'ongs so/ / des 'di snyam du bdag skyes pa lnga dang 'di ltar khyi'i chos bya ba ga la nus snyam du bsams nas/ des de dag la smras pa/ khyed cag las gang zhig me tog mdzes pa thams cad khyer te 'ong ba de dang lhan cig dga' ba nyams su myang bar bya'o// rgyal
68b3 po'i pho brang 'khor de na yang rgyal po'i pad ma rnams srung zhing ra ma byed pa/ rna ba dang / sna bcad pa zhig ra ma byed do// de dag der song nas 'di snyam du zong dag khyer te ma 'ongs mod kyi/ 'on kyang mi de'i bsngags pa brjod pa dang / dga' bar gyur nas bdag cag la
68b4 me tog dag ster to snyam du bsams so/ / de nas de dag las gcig gis de la smras pa/ ji ltar smyug ma 'dam bu dag/ bcad cing gtubs kyang slar skye ba// de ltar khyod kyi sna skye shig/ me tog slong gis stsal bar mdzod// gnyis pas smras pa/ ji ltar ku sha ka
68b5 sha dag/ bcad cing gtubs kyang slar skye ba// de ltar khyod kyi sna skye shig/ pad ma slong gis stsal bar mdzod// gsum pas smras pa/ ji ltar dUr pa 'jag ma dag/ bcad cing gtubs kyang slar skye ba// de ltar khyod kyi sna skye shig/ me tog slong gis
68b6 stsal bar mdzod/ / bzhi pas smras pa/ ji ltar skra dang ag tsom dag/ bregs shing phyir yang slar skye ba// de ltar khyod kyi sna skye shig/ me tog slong gis stsal bar mdzod// lnga pas smras pa/ mi gang pad ma slong byed pa// de kun khyod la kyal pa
68b7 zer/ / pad ma byin rung ma byin rung // khyod kyi sna ni skye mi 'gyur// mi des 'di snyam du mi bzhi pos ni bdag la gyi na zhig smras kyi/ mi lnga pas ni ji lta ba bzhin du snying nas smras kyi/ bdag gis de la pad ma sbyin par bya'o snyam du bsams nas/ des de la
iiif viewer powered by OpenSeadragon
Texts on this page
D5 - dge slong ma'i 'dul ba rnam par 'byed pa