| e-texts navigator |
| བོད་ཡིག |
68a1 phyogs kyi yal ga la 'dzegs te 'dug go/ / bzhi pa ni byang phyogs kyi yal ga la 'dzegs te 'dug go// mchog tu bkrabs pa des kyang de bzhin du byas te/ shing de'i dbus kyi yal ga la 'dzegs te 'dug go// de nas de rnams de na mtshan
68a2 gcig tu lhags pas bred bzhin du de 'ong ngo snyam pa las/ nam nangs kyi bar du bud med de yang ma 'ongs so// mtshan mo zad de nam nangs pa dang shar phyogs kyi yal ga la 'dug pa des tshigs su bcad de smras pa/ 'di ltar nyi ma shar zin la// zhing pa grong nas dong zin
68a3 kyang / / can ma ni ma 'ongs par// n+ya gro d+ha yis shes par gyis// lho phyogs kyi yal ga la 'dug pas smras pa/ bud med de ni 'ongs 'gyur te// de ni can ma yin yang // legs ldan nyi ma 'di nyid ni// shin tu myur bar shar bar gyur//
68a4 shar phyogs pas smras pa/ rem pa'ang 'ongs sam/ smras pa/ los mod/ de nas nub phyogs kyi yal ga la 'dug pas tshigs su bcad de smras pa/ nyi ma dus su shar bas na// zhing pa rnams kyang grong nas dong // bdag gis dus ni ma shes pas//
68a5 mtshan gcig mig gi rtse ma sbyar// re zhig na byang phyogs kyi yal ga la 'dug pas smras pas/ bdag gis 'dir ni dus shes ma gyur pas// mtshan gcig thog thag lhags pas do sod do// gang zhig gzhan gyi bud med la chags pa// de ni 'di dang
68a6 gzhan dag thob par 'gyur/ / de nas mchog tu bkrabs pas smras pa/ khyed cag lhags pas do sod la// kho bo mya ngan mi byed kyi// n+ya gro d+ha yis nyes med par// bcag pa la ni mya ngan byed// re zhig na shing la gnas pa'i lhas de dag bslus pa
68a7 mthong nas sngar spyos te 'di skad ces smras so/ / bdag nyid dang ni de bzhin du// mi 'di bzhi la mya ngan byos// dpyid zla tha byung ba na// gang dag bcad pa skye bar 'gyur// de dag bud med la re thag chad nas shod du babs te rang rang gi khyim du dong ngo //
iiif viewer powered by OpenSeadragon
Texts on this page
D5 - dge slong ma'i 'dul ba rnam par 'byed pa