| e-texts navigator |
| བོད་ཡིག |
67b1 pa/ dge slong dag 'di na des gang gi phyir nye dbang po bzhi dang / brgya byin ya ya por byas pa ngo mtshar mi che'o// 'on kyang dge slong dag sngon 'das pa'i dus na 'di nyid kyis grong gi bkrabs pa bzhi dang / mchog tu bkrabs pa rnams ya ya por byas pa de bshad kyis
67b2 nyon cig ces bya ba'i bar nas lha'i bu mo 'di nyid ces bya ba'i bar nas/ 'dzam bu'i gling du rigs mtho ba/ nor che ba/ rdzas kyi tshogs mang po zhig tu skyes nas 'dod pa spyod pa zhig tu gyur to zhes rgya cher brjod do// tshong dpon zhig gi chung mar blangs pa dang / de
67b3 la grong gi bkrabs pa bzhi dang / mchog tu bkrabs pa dang lnga po de dag gis de mthong ba dang / 'dod chags kyis lhag par gdungs par gyur nas/ de la yang so so nas bar mi dag btang ba dang / des kyang mnyan to// de nas de khyo la rag las pas de
67b4 ring song zhes smra zhing / de rnams kyi sems srung zhing 'dug go// de nas de dag la gcig gis 'di snyam du bsams te nyi ma yang mang zhig thal bas de'i phyir bdag gis zhes bya ba'i bar du'o// des kyang de dag la bdag de ring 'ong ngo zhes dus btab pa dang /
67b5 de dag gis khyod gang du 'ong / kho bo cag gang du 'ong zhes dris so// des kyang grong khyer 'di nas ha cang yang mi ring ba zhig na shing n+ya gro d+ha gnam 'phang du mtho ba/ yal ga rab tu 'phyang ba/ lo ma stug po yod par deng la/ shing de la 'dzegs te 'dug shig
67b6 dang / bdag de'u re 'ong ngo zhes so sor bstan nas/ de khyo la skabs tshol zhing 'dug go// des kyang de la 'di ni 'di ltar sems so zhes bya bar 'phrigs nas/ des de brdegs nas ka ba la bcings so// de na gcig la smras pa/ song la shing de la 'dzegs te/
67b7 shar phyogs kyi shing gi yal ga la 'dzegs la 'dug shig dang / bdag de'u re 'ong ngo zhes byas pa dang / de dga' mgu nas de bzhin du byas so// de bzhin du rgyas par brjod do// gnyis pa ni shing de'i lho phyogs kyi yal ga la 'dzegs te 'dug go// gsum pa ni nub
iiif viewer powered by OpenSeadragon
Texts on this page
D5 - dge slong ma'i 'dul ba rnam par 'byed pa