| e-texts navigator |
| བོད་ཡིག |
66b1 snyam du bsams nas des smras pa/ deng 'di la bsod snyoms 'bul bar byed pa gang yin pa de la ni deng grong khyer gyi mchog sbyin par bya'o// tshong dpon de yang 'khor de nyid du 'dus te 'dug pas des 'di snyam du/ bdag gis bsod snyoms pa thams cad la sbyin pa
66b2 byin cig ces khyim du bsgo bas gdon mi za bar bdag gi khyim nas bsod snyoms phul ba yin gyis/ song la brtag par bya'o snyam du bsams nas de langs nas rings par khyim du song ngo // chung ma des kyang de'i rdzu 'phrul mthong ste sems dad par gyur nas/ bran mo la
66b3 smras pa/ bran mo bsod nams ni nga yir bya'o// khyod la ni ngas kha zas mchog tu bsod pa dag sbyin no// des de la smras pa/ khyod jo mo yin pas bdag gi srog la dbang gi/ bsod nams la ni ma yin pas mi sbyin no// de khros shing 'khrugs pas kun
66b4 nas dkris shing 'dug pas lag pa'i mkhrig ma gdu bu dang bcas pas de'i mgor brgyab pa dang / gdu bus phog pas de'i mgo snad nas khrag byung bar gyur pa dang / tshong dpon yang 'ongs te des 'di ci nyes zhes dris so// des kyang ji ltar gyur pa de la rgya cher
66b5 smras pa dang / tshong dpon de khros nas bran mo de rgyan thams cad kyis brgyan te khyim bdag tu bcug nas/ des kyang ji ltar gyur pa rgyal po la gsol pa dang / rgyal pos smras pa/ de ni jo mor 'os te/ khyod kyis legs pa zhig byas so// gal te
66b6 khyod kyis de ltar ma byas su zin na ngas bran mo ma yin par byas par 'gyur ro/ / 'on kyang ngas de la grong khyer gyi mchog sbyin no// de dad pa thob pa dang / rkyen rnyed pas dge sbyong dang / bram ze dang / tshong pa rnams la sbyin pa ni byin/ bsod nams ni byas/
66b7 tshul khrims kyang bsrungs nas 'chi ba'i dus byas te/ sum bcu rtsa gsum gyi lha rnams kyi nang du skyes so// de gzugs phun sum tshogs pa 'od dang / gzi mdangs dang / snang ba rgya chen po can de lta bur gyur pa dang / lha'i tshogs gang yin pa de dag thams
iiif viewer powered by OpenSeadragon
Texts on this page
D5 - dge slong ma'i 'dul ba rnam par 'byed pa