| e-texts navigator |
| བོད་ཡིག |
64a1 yang yang dag par brdungs pa na sgra 'byung bar 'gyur na/ bdag gis rgyal srid 'byor pa gang yin pa longs spyad pa zhes bya ba'i bar lta smos kyang ci dgos pas rgyal srid kyis chog go snyam du bsams te/ bdag gis rgyal srid spangs nas nyes pa dang
64a2 skyon chung ngu mthong ba'i rkyen rnyed pas nges par byung ste rab tu byung nas rang sangs rgyas kyi byang chub mngon sum du byas so/ / yang smras pa/ gser mgar gyis ni legs par brdungs pa yi// gser gyi 'od gsal lag pa'i mkhrig ma gnyis// rdung ba thos pa de
64a3 ltar bdag dang ni/ / gzhan dang lhan cig gzhi ni 'di yi rgyus// tshig ngan sna tshogs 'thon cing sems 'khrugs pa// de ltar 'dod pa'i yon tan rig byas te// bse ru lta bur gcig pu spyod par gyur// de ltar de dag gcig la gcig smras nas 'dug go// de
64a4 nas rdza mkhan dang chung ma lhan cig tu 'di snyam du bdag nyid chen po 'di dag gis rigs rgyud rgya che ba'i rgyal srid yangs pa yang spangs nas rab tu byung bar gyur na/ bdag cag gis ci'i phyir khyim dang phru rtog dang / gzar bu dang / bral brul gyis khyim gyi 'tsho tshis byas pa
64a5 la longs spyod kyi 'du shes 'byung ba'i rnam pa 'di lta bu yongs su spangs nas/ bdag cag ci'i phyir rab tu 'byung bar mi bya snyam du bsams so// yang smras pa/ grong dang yul 'khor rigs rgyud 'byor pa'i sa spangs nas// chags med sems kyis mi yi 'jig rten
64a6 rgyu byed na/ / bdag cag ci phyir bkren pa'i tshul gyis bsgrubs pa'i yul// chu yis khyer ba lta bu mngon du spyod par byed// de ltar de dag nam nangs te/ mtshan mo zad nas nam nangs pa dang / rdza mkhan khyo shug gis zhe sa'i sems bskyed de/ rang sangs
64a7 rgyas de dag spyan drangs nas bsod snyoms phul te zhes bya ba'i bar dang / de dag steng gi nam mkha' la 'phags so zhes bya ba'i bar nas rdza mkhan khyo shug gis smon lam btab pa/ a la la bdag cag gis sbyin par bya ba'i chos yongs su btang ba dang / sems bskyed
iiif viewer powered by OpenSeadragon
Texts on this page
D5 - dge slong ma'i 'dul ba rnam par 'byed pa