| e-texts navigator |
| བོད་ཡིག |
62b1 yon gnas 'di lta bu dag byon nas bdag gi dpong sa'i khang pa gang yin par gnas par gyur pa de ni bdag dbang thang che ba dang phan 'dogs pa dang ldan pa yin no snyam mo// yang smras pa/ kye ma'o yon gnas byon pa dag/ ring mo zhig nas mthong gyur pas// 'jig
62b2 rten 'di dag pha rol du/ / bdag ni bde ba nyid du 'gyur// rang sangs rgyas de dag kyang yon bdag gi dge ba'i rtsa ba bskyed pa'i phyir bsam gtan dang / rnam par thar pa dang / ting nge 'dzin dang / snyoms par 'jug pa dag gis mtshan mo 'das par mdzad nas/ gcig la
62b3 gcig kun dga' bar 'gyur ba rtsom mo/ / de nas rang sangs rgyas de rnams kyis gcig la smras pa/ khyod su zhig/ gang du/ ci'i phyir/ ji ltar rab tu byung / de rnams kyis de skad ces smras pa dang / des de rnams la 'di skad ces smras so// tshe dang
62b4 ldan pa rnams kyis yul ka ling ka na rgyal po rna lag can zhes bya ba byung ba thos sam/ de dag gis smras pa/ thos te gzhan yang bdag cag gis rgyal po rna lag can de ni 'byor pa dang / yongs su gzung ba rgya che ba bzhon pa glang po che du ma yod do zhes kyang thos so//
62b5 des 'di skad ces smras so// khyed cag gis ji skad thos pa de bzhin mod kyi/ 'on kyang bdag gis ni rgyal srid kyi nyes dmigs mthong nas rab tu byung ngo // de dag gis smras pa/ khyod kyis rgyal srid kyi nyes dmigs ci zhig mthong nas rab tu byung / des smras pa/
62b6 nyes dmigs yod na de yang mi che ba zhig go// ji lta bu zhig btsun pa dag nyon cig/ bdag 'di na steng gi khang thog na 'dug pa'i tshe de na bya zhig sha'i dum bu zhig khyer nas nam mkha' la 'phur ba na don de'i phyir de gzhan mang po zhig gis gtses so// des
62b7 de bor ba dang gzhan gyis blangs te/ gang gis de bor ba de ni btang la gang gis blangs pa de ni kun nas bskor te/ de ltar phan tshun du 'phrog par byed pa na bdag tshul bzhin yid la byed pa skyes par gyur te/ len pa gang yin pa de ni bcings la 'dor ba gang yin pa
iiif viewer powered by OpenSeadragon
Texts on this page
D5 - dge slong ma'i 'dul ba rnam par 'byed pa