rKTs

e-texts navigator

Volume

Page

62a₁ ba'i phyir 'bad par bya'o/ / de ltar na khyed kyis yon tan gyi tshogs rnams bskyed par 'gyur te/ dge slong dag de ltar bslab par bya'o zhes bya ba'i bar du'o// yang dge slong rnams zhes bya ba nas tshe dang ldan pa 'od srung chen po dang / ser skya'i bu mo
62a₂ bzang mos las ci zhig bgyis na gang gi slad du gnyis ka rab tu byung bar gyur ces gsol ba'i bar du'o/ / bcom ldan 'das kyis bka' stsal pa/ smon lam gyi dbang gis so// gang du lags/ dge slong dag sngon byung ba 'das pa'i dus na grong khyer chen po'i phyi rol gyi grong
62a₃ khyer na rdza mkhan gyi dpong sa'i khang pa zhig yod par gyur to/ / sangs rgyas mi bzhugs pa'i tshe na/ rang sangs rgyas phongs pa dang dman pa la snying rje ba/ sems can la phan 'dogs par zhugs pa byung ngo // de nas rang sangs rgyas zhig rdza mkhan gyi dpong sa'i khang pa gang na ba
62a₄ der song ste phyin nas rdza mkhan la 'di skad ces smras so/ / bzhin gal te khyod la mi bde ba med na dpong sa'i khang pa'i phyogs gcig tu gnas bca'o// de skad ces smras pa dang / rdza mkhan gyis rang sangs rgyas la 'di skad ces smras so// 'phags pa ci bder
62a₅ bzhugs shig/ de nas rang sangs rgyas de dpong sa'i khang pa'i phyogs gcig tu rtswa'i gding ba bshams nas/ sbrul gyi rgyal po gnyid log pa'i lus bskyil ba lta bur skyil mo krung bcas nas 'dug go// de nas rang sangs rgyas gnyis pa zhig kyang 'ongs te zhes bya ba'i bar
62a₆ nas rdza mkhan de las brnyas te dpong sa'i khang pa de nyid kyi grwa gnyis par 'dug go zhes bya ba'i bar du'o/ / gsum pa zhig kyang 'ongs nas grwa gsum par 'dug go zhes bya ba'i bar dang / de bzhin du bzhi pa zhig kyang 'ongs nas grwa bzhi par 'dug go zhes bya ba'i bar du'o// de nas
62a₇ nyi ma nub nas nam sros par rig pa dang / rang sangs rgyas bzhi po de dag nyid me'i khams la snyoms par zhugs pa dang rdza mkhan gyis sgo gseb nas dpong sa'i khang pa de thams cad 'bar/ rab tu 'bar/ kun du rab tu 'bar zhing me lce gcig tu gyur par mthong nas des bsams pa/

_{iiif viewer powered by OpenSeadragon}

61b - 62b

Texts on this page