rKTs

e-texts navigator

Volume

Page

5b₁ ngo / / yang dge slong ma gang bud med la skyes pa'i tshig dang / skyes pa la bud med kyi tshig gis chung ma nyid dam mdza' na mo nyid du smyan byed na tha na thang 'ga' phrad pa la yang rung ste/ chos 'di ni dang pos ltung bar 'gyur ba 'byung ba dang bcas pa ste dge 'dun lhag ma'o// yang
5b₂ dge slong ma gang khros shing zhe sdang bar gyur nas ci nas kyang 'di tshangs par spyod pa dang dbral lo snyam nas dge slong ma dag pa ltung ba med pa la gzhi med par pham par 'gyur ba'i chos kyis skur pa las de dus gzhan zhig na dris kyang rung / ma dris kyang rung rtsod pa de yang gzhi med pa
5b₃ yin la dge slong ma yang zhe sdang la gnas shing zhe sdang gis smras so zhe na/ chos 'di yang dang pos ltung bar 'gyur la 'byung ba dang bcas pa ste/ dge 'dun lhag ma'o// yang dge slong ma gang khros shing zhe sdang bar gyur nas ci nas kyang 'di tshangs par spyod pa dang dbral lo
5b₄ s nyam nas dge slong ma dag pa ltung ba med pa la gzhan gyi cha ma yin pa dang mthun pa pham par 'gyur ba'i chos kyis skur pa las de dus gzhan zhig na dris kyang rung ma dris kyang rung rtsod pa de yang gzhan gyi cha ma yin pa dang mthun pas bag tsam las bsams pa tsam gyis blangs par
5b₅ gyur la/ dge slong ma yang zhe sdang la gnas pa zhe sdang gis smras so zhe na/ chos 'di yang dang pos ltung bar 'gyur la 'byung ba dang bcas pa ste dge 'dun lhag ma'o// yang dge slong ma gang chags par gyur la skyes pa chags par gyur pa las ci yang rung ba bdag gir byed
5b₆ na/ chos 'di yang dang pos ltung bar 'gyur la 'byung ba dang bcas pa ste dge 'dun lhag ma'o// yang dge slong ma gang dge slong ma zhig la 'di skad ces kye khyod chags par ma gyur na chags pa med pas skyes pa chags par gyur pa las ci yang rung ba bdag gir byar rung ngo zhes zer na/
5b₇ chos 'di yang dang pos ltung bar 'gyur la 'byung ba dang bcas pa ste dge 'dun lhag ma'o// yang dge slong ma gang gcig pu mtshan mo dbyar khang nas 'bral bar byed na/ chos 'di yang dang pos ltung bar 'gyur la 'byung ba dang bcas pa ste dge 'dun lhag ma'o// dge slong ma gang

_{iiif viewer powered by OpenSeadragon}

5a - 6a

Texts on this page