| e-texts navigator |
| བོད་ཡིག |
5a1 bar ma bskyod cig/ mtshungs pa nye bar ma ston cig/ mtshams kyi nang du 'dug ste bzod par gsol bar ma byed cig/ bdag gis 'phags pa khyod la lhung bzed dang / chos gos dang / dra ba dang / phor bu dang / ska rags dang / bklag pa dang /
5a2 kha ton bya ba dang / rnal 'byor dang / yid la bya ba dang / 'phags pa la ci dang cis brel ba de dang des mi brel bar bsnyen bkur bya'o zhes de skad ma zer cig/ 'phags ma khyod gnas nas dbyung ba'i rjes su phyogs pa'i gzhi 'di lta bu thong shig ces bsgo bar bya'o//
5a3 dge slong ma de la/ dge slong ma rnams kyis 'di skad ces bsgo ba na gal te gzhi de gtong na de lta na legs/ gal te mi gtong na gzhi de gtong bar bya ba'i phyir lan gnyis lan gsum gyi bar du yang dag par bsgo bar bya/ yang dag par bstan par bya'o// lan gnyis
5a4 lan gsum gyi bar du yang dag par bsgo/ yang dag par bstan pa na gzhi de gtong na de lta na legs/ gal te mi gtong na dge slong ma de yang pham par gyur pa yin gyis gnas par mi bya'o// 'phags ma dag bdag gis pham par gyur pa'i chos brgyad po dag bton zin to//
5a5 dge slong mas de dag las ltung ba gang yang rung ba zhig byas na thog ma ji lta bar phyis kyang de bzhin du pham par 'gyur ba yin te/ dge slong ma rnams dang lhan cig gnas pa dang longs spyad du mi dbang gis gnas par mi bya'o// de la bdag gis 'phags ma dag la ci 'di la khyod
5a6 yongs su dag gam zhes dri'o/ / ci 'di la khyed yongs su dag gam zhes lan gnyis lan gsum du dri'o// 'di la 'phags ma dag yongs su dag na 'di ltar cang mi smra bas de de bzhin du 'dzin to// // sdom la/ smyan byed pa dang gzhi med dang // gsum pa bag tsam
5a7 cha las len/ / bzhi pa ci yang rung bar bya// lnga pa chags pa med pa ste// mtshan mo nyin mo lam 'gro dang // chu klung pha rol yid mthun no// 'phags ma dag dge 'dun lhag ma'i chos nyi shu po 'di dag ni zla ba phyed phyed cing so sor thar pa'i mdo gdon pa las 'byung
iiif viewer powered by OpenSeadragon
Texts on this page
D4 - dge slong ma'i so sor thar ba'i mdo