| e-texts navigator |
| བོད་ཡིག |
58b1 rgyas kyi spyan gyis gzigs/ kun du gzigs nas dgongs pa/ chu srin nya'i rigs ngan song la gzhol ba/ ngan song la 'bab pa/ ngan song la bab pa sngon gyi sangs rgyas dag la bya ba lhag par byas pa yin yang / da ltar sangs rgyas 'byung ba dang bral bar gyur
58b2 pa/ lo stong phrag mang por sems can dmyal ba rnams su sdug bsngal myong bar gyur pa yin gyis/ ngas chu srin nya'i rigs 'di la brten te gdul bya'i tshogs chen po drang bar bya/ sems can rnams kyang las bdag gir bya bar mngon sum du byas/ de'i phyir chu klung
58b3 yid 'ong ldan gyi 'gram du gshegs so snyam du dgongs so/ / sangs rgyas bcom ldan 'das rnams ni chos nyid kyis gdul ba'i skye bo rnams la thugs brtse ba yin pas dus dus su sems can dmyal bar rgyur gshegs pa dang / dud 'gro'i nang du rgyu ba dang / yi
58b4 dgas kyi nang du rgyu ba dang / lha'i nang du rgyu ba dang / ljongs rgyur gshegs so// dus dus su ri dang / dur khrod dang / chu klung dang / gtsug lag khang du rgyur gshegs so// don 'dir ni sangs rgyas bcom ldan 'das chu klung du rgyur gshegs par
58b5 bzhed de/ 'dzum pa mdzad nas zhes bya ba'i bar nas/ tshe dang ldan pa kun dga' bo la bka' stsal pa/ kun dga' bo song la dge slong rnams la dge slong dag de bzhin gshegs pa chu klung du rgyur gshegs par bzhed kyis khyed cag las gang de bzhin gshegs pa
58b6 dang thabs cig tu chu klung du 'gro bar spro ba des chos gos dag long shig ces sgo shig ces bya ba nas ser skya'i gleng gzhi 'di rgyas par brjod par bya'o/ / nya pa lnga brgya zhes bya ba nas 'phags pa shA ri'i bus tshigs su bcad pa smras pa/ de bzhin gshegs rnams
58b7 rigs dang ni/ / rus dang khyim la'ang rtog mi mdzad// yun ring byas par gyur pa yi// las rnams la ni yongs rtog mdzad// ces bya ba'i bar dang / bcom ldan 'das la phul ba dang / bcom ldan 'das kyis dge slong tshur shog ces bya bas rab tu
iiif viewer powered by OpenSeadragon
Texts on this page
D5 - dge slong ma'i 'dul ba rnam par 'byed pa