rKTs

e-texts navigator

Volume

Page

57a₁ mo spyod pa 'jud par byed/ lan 'ga' ni spyod pa chen po 'jud par byed do// gang gi tshe nya dag nyo ba med pa de'i tshe ni rgya mo spyod pa 'jud par byed la/ gang gi tshe ni nya dag nyo ba yod pa de'i tshe ni spyod pa chen po 'jud par byed do// ji tsam dus gzhan zhig na
57a₂ yangs pa can du dus ston byung nas de dag gis rgya mo gnyis ka bcug ste/ nyis brgya lnga bcus ni rgya mo spyod pa bcug/ nyis brgya lnga bcus ni spyod pa chen po bcug go// gang dag gis rgya mo spyod pa bcug pa de dag gis ni nya dang / rus sbal dang / sbal pa dang /
57a₃ chu srin byis pa gsod pa dang / nya kyi ba la sogs pa mang po dag 'di lta ste/ dper na til dang / 'bras dang / 'bras thug po che dang / rgya shug dang / rgya sran la sogs pa bzhin du phung po chen por spungs so// gang dag gis rgya mo spyod pa chen po bcug
57a₄ pa de dag gis ni rgya mtsho chen po nas chu klung yid 'ong ldan du zhugs pa chu srin chen po nya'i rigs bong tshod chen po nyal ba zin nas de dag gis de drang bar brtsams so/ / de dag gis drangs pa nas de sad nas nya pa nyis brgya lnga bcu po de dag dang rgya mo spyod pa chen po khyer te rgyun phyogs
57a₅ su zhugs so/ / nya pa de dag gis nya pa nyis brgya lnga bcu po gzhan dag la/ grogs po dag rgya mo spyod pa chen po dang bdag cag khyer gyis ra mda' zlog ces byas so// de dag gis thos nas nya pa nyis brgya lnga bcu po gzhan de dag kyang lhags te de nyid la rub pa dang
57a₆ de dag kyang khyer ro/ / de nas de'i 'og tu sa phyogs mthon por 'dug ste bos pa dang / de nas phyugs rdzi dang / ba lang rdzi la sogs pa 'ongs nas 'bad pa chen pos phyung ba dang / chu srin nya'i rigs ri bo brtsegs pa 'dra ba/ mgo bo bco brgyad dang mig
57a₇ sum bcu rtsa drug yod pa phyung ngo / / ji tsam na skye bo'i tshogs chen po 'ongs te lhags pa dang / ston pa drug po ston pa ma yin par ston par khas 'che ba/ thams cad mkhyen pa ma yin par thams cad mkhyen par khas 'che ba/ drug po gang dag yin zhe na/ 'di lta

_{iiif viewer powered by OpenSeadragon}

56b - 57b

Texts on this page