| e-texts navigator |
| བོད་ཡིག |
56b1 mod kyi/ 'on kyang bdag ni tshul khrims dang ldan pa mang du thos pa/ dge ba'i chos can/ yon tan du ma dang ldan pas bdag yul gzhan du song na lo legs pa yin/ mtho ris ni dar gyis chod pa tsam/ thar pa ni yol bas bsgribs pa tsam ste/ lus
56b2 zhig nas lha rnams kyi nang du skye bar 'gyur ro snyam du bsams nas/ de bdag nyid gtong bar byed/ bdag nyid gsod par byed/ bdag nyid srog dang bral bar byed na 'chir bcug pa'i sbyor ba snga ma de nyid kyis nyes pa sbom por 'gyur ro// tshul khrims dang ldan pa
56b3 la ni de ltar ro/ / des na 'chir bcug gam zhes gsungs so// de la 'chi ba'i bsngags pa brjod kyang rung ste zhes bya ba ni 'chi bar mngon par dga' ba'i mdun du 'chi ba'i bsngags pa brjod pa'o// de la 'di skad ces/ kye mi khyod ces bya ba ni bod pa'i tshig dag yin no//
56b4 'tsho ba sdig pa mi gtsang ba ngan pa 'dis ci zhig bya/ kye mi khyod gson pas shi bla'o zhes bya ba de dag ni smad pa'i tshig yin no// zer zhing zhes bya ba ni brjod cing ngo // gzhan yang rgyas par phas pham par gyur pa dang po ji lta ba bzhin du brjod par bya'o// gnas par mi bya'o
56b5 zhes bya ba ni dge slong ma rnams kyis de dang lhan cig tu gsol ba dang / gsol ba dang / gnyis dang / gsol ba dang bzhi'i las nyams su myang bar mi bya/ dge slong mas las bcu gnyis dag tu bsko bar mi bya ba ste/ des na gnas par mi bya'o zhes gsungs so//
56b6 de ltar na 'di ni phas pham par gyur pa gsum pa yin par dge slong ma'i 'dul ba la brjod par bya'o// gzhan ni dge slong gi 'dul ba ji lta ba de bzhin du brjod do// phas pham par gyur pa gsum pa rdzogs so// // sangs rgyas bcom ldan 'das yangs pa
56b7 can na spre'u rdzing gi 'gram na khang pa brtsegs pa'i khang na bzhugs so/ / de'i tshe nya pa lnga brgya 'tsho ba'i don la chu klung yid 'ong ldan la rten cing 'khod do// de dag la rgya mo spyod pa dang / spyod pa chen po zhes bya ba gnyis shig yod pa las de dag lan 'ga' ni rgya
iiif viewer powered by OpenSeadragon
Texts on this page
D5 - dge slong ma'i 'dul ba rnam par 'byed pa