| e-texts navigator |
| བོད་ཡིག |
54a1 tshe dang ldan pa ji srid yun ring du 'tsho ba de srid du sdug bsngal ba/ mi bzad pa/ rtsub pa/ tsha ba/ yid du mi 'ong ba dag nyams su myong bar 'gyur ro zhes smras pa na/ des de la 'di skad ces 'o na kho bos ji ltar bya zhes pa de'i tshe tshur
54a2 shog/ khyod kyis bdag nyid thong shig/ bdag nyid sod cig/ bdag nyid srog dang bral bar byed du chug shig ces smras la/ gal te nad pa de bdag nyid gtong bar byed dam/ bdag nyid gsod par byed dam/ bdag nyid srog dang bral bar byed du
54a3 'jug na phas pham par 'gyur ro/ / gal te nad pa de 'di snyam du de de skad ces zer mod kyi/ 'on kyang 'tsho ba ni rnyed par dka'o// bdag nyid gsod pa ni nus par dka' bas bdag gis bdag nyid mi gtong ngo // bdag gis bdag nyid mi gsod do// bdag gis
54a4 bdag nyid srog dang bral bar byed du mi gzhug go snyam bsams nas/ gal te bdag nyid gtong bar mi byed/ bdag nyid gsod par mi byed/ bdag nyid srog dang bral ba byed du mi 'jug na/ 'chir bcug pa'i sbyor ba snga ma de nyid kyis nyes pa sbom por
54a5 'gyur ro/ / gal te de de skad smras pas bdag ni 'di lta ste/ byis pa/ blun pa/ mi gsal ba/ mi mkhas pa yin pas bdag gis gya tshom dang / byung rgyal du so sor ma brtags pa'i tshig smras so snyam du 'gyod par gyur nas de de'i gan du
54a6 song ste 'di skad ces bdag gis khyod la bdag nyid srog dang bral bar gyis shig ces smras mod kyi/ 'on kyang khyod bdag nyid kyi srog gtong bar ma byed cig/ de ci'i phyir zhe na/ gal te khyod kyis rjes su mthun pa'i sman so sor bstan pa dang / kha zas
54a7 'phrod pa dag dang / nad g.yog tshul bzhin du byed pa dag gis bsnyen bkur byas par gyur pa de lta na ring po mi thogs par bde ba dang / nad med pa dang / stobs dang ldan par gyur nas gang du dga' bar 'gro bar 'gyur ba'i gnas skabs de lta bu yod do zhes
iiif viewer powered by OpenSeadragon
Texts on this page
D5 - dge slong ma'i 'dul ba rnam par 'byed pa