| e-texts navigator |
| བོད་ཡིག |
53b1 la/ de yang rtsom pa des shi bar gyur na dge slong ma de yang phas pham par gyur pa yin pas gnas par mi bya'o// yang dge slong ma gang zhig ces bya ba ni/ dge slong ma rnam pa bzhi po ming gi dge slong ma dang / khas 'che ba'i dge slong ma dang / slong
53b2 ba'i phyir dge slong ma dang / nyon mongs pa bcom pa'i phyir dge slong ma zhes bya ba'i bar phas pham pa dang po snga ma ji lta bar snga ma bzhin du brjod do// mi'am zhes bya ba ni gang gis ma'i ltor dbang po drug po 'di lta ste/ mig gi dbang po dang / rna ba'i dbang po dang /
53b3 sna'i dbang po dang / lce'i dbang po dang / lus kyi dbang po dang / yid kyi dbang po thob par gyur pa'o// mir chags pa la zhes bya ba ni gang gis ma'i ltor dbang po gsum po 'di lta ste/ lus kyi dbang po dang / srog gi dbang po dang / yid kyi dbang po thob
53b4 par gyur pa la'o/ / bsams bzhin du zhes bya ba ni rnam par brtags nas so// rang gi lag dar nas zhes bya ba ni bdag nyid kyi lag gis so// srog bcad dam zhes bya ba ni srog bcad par gyur na'o// de la mtshon byin nam zhes bya ba ni ral gri'am/
53b5 spu gri'am/ chu gri'o// de la mtshon thogs pa gnyer tam zhes bya ba ni skyes pa'am/ bud med dam/ ma ning ngo // de 'chir bcug gam zhes bya ba ni 'chir gzhug pa'i gang zag ni rnam pa gsum ste/ nad pa dang / tshul khrims 'chal pa
53b6 dang / tshul khrims dang ldan pa'o// nad pa la ji lta zhe na/ 'di ltar dge slong ma de dge slong ngam/ dge slong ma nad pa la chos gos sam/ dra ba'am/ phor bu'am/ ska rags sam/ dge sbyong gi 'tsho ba'i yo byad gang yang rung ba 'ga' zhig
53b7 'dod pa'i phyir de 'di snyam du sems te/ 'di ji srid gson pa de srid du bdag gis thob par mi 'gyur gyis bdag de'i drung du song la 'chir gzhug go snyam nas/ de de'i drung du song ste 'di skad ces tshe dang ldan pa ni na ba/ sdug bsngal ba/ na tshabs che ba yin pas/
iiif viewer powered by OpenSeadragon
Texts on this page
D5 - dge slong ma'i 'dul ba rnam par 'byed pa