| e-texts navigator |
| བོད་ཡིག |
53a1 'dun gyi gung la gdan bshams pa nyid la bzhugs so/ / bzhugs nas bcom ldan 'das kyis 'khor thams cad la rnam par gzigs te/ tshe dang ldan pa kun dga' bo la bka' stsal pa/ kun dga' bo gang gis da ltar dge slong dag
53a2 nyung ngur gyur/ nyams par gyur/ rnga rngor gyur cing dge slong gi dge 'dun srabs par gyur pa'i rgyu ni gang yin/ rkyen ni gang yin/ btsun pa da ltar bcom ldan 'das dge slong gi dge 'dun la dge slong dag mi sdug pa sgoms shig/ mi sdug pa bsten
53a3 cing goms par byas lan mang du byas na 'bras bu chen po dang phan yon chen por 'gyur ro zhes mi sdug pa ston par mdzad cing / mi sdug pa bsgom pa'i bsngags pa brjod par yang mdzad do zhes bya ba nas gsad par mi bya'o// bdag nyid dam gzhan gsod du 'jug
53a4 na ste/ gso sbyong lnga pa de nyid la bslab pa bcas so zhes bya ba'i bar du rgya cher brjod par bya ste/ de nyid las glengs nas ji ltar dge slong gi rnam par 'byed pa bzhin du rgya cher bya'o// de nas bcom ldan 'das kyis byung ba de nyid dang / gleng gzhi de nyid dang /
53a5 dngos po de nyid dang / skabs de nyid kyis gnyi ga'i dge 'dun bsdu ba mdzad de/ nga'i nyan thos rnams kyis don de shes pa dang / ngas bslab pa'i gzhi legs par bcas par 'gyur ba'i bar phas pham pa dang po ji lta ba bzhin du rgya cher brjod par bya'o// yang
53a6 dge slong ma gang zhig mi'am/ mir chags pa la bsams bzhin du rang gi lag dar te srog bcad dam/ de la mtshon byin nam/ de la mtshon thogs pa gnyer tam/ de 'chir bcug gam/ de la 'chi ba'i bsngags pa brjod kyang rung ste/ de la 'di
53a7 skad ces mi khyod 'tsho ba sdig pa/ mi gtsang ba ngan pa 'dis ci zhig bya/ kye mi khyod gson pa bas shi bla'o zhes zer zhing sems kyi 'dod pa dang / sems kyi kun du rtog pa dag gis rnam grangs du mas de 'chir bcug gam/ de la 'chi ba'i bsngags pa brjod
iiif viewer powered by OpenSeadragon
Texts on this page
D5 - dge slong ma'i 'dul ba rnam par 'byed pa