| e-texts navigator |
| བོད་ཡིག |
52b1 khrims dang ldan pa/ yon tan dang ldan pa dag ma rgal ba rgal bar byed/ ma grol ba grol bar byed/ dbugs ma phyin pa dbugs 'byin par byed/ yongs su mya ngan las ma 'das pa yongs su mya ngan las 'da' bar byed pa ni bden te/ bdag la
52b2 bsod nams mang du skye zhing / de dag gi lhung bzed dang / chos gos gang yin pa de bdag gir 'gyur ba de yang / bdag gi rnyed pa lhag pa yin no snyam du rgya cher sdig pa can gyi lta ba'i rnam pa thob par gyur to// de nas zlog dge sbyong sbed ral gri rnon po mchan khung
52b3 du bcug ste/ kun dga'i ra ba nas kun dga'i ra ba dang / gtsug lag khang nas gtsug lag khang dang / khang khyim nas khang khyim dang / 'chag sa nas 'chag sa dang / lam gol bar rjes su rgyu ba na dge slong de dang de dag mthong nas 'di skad ces smras so//
52b4 dge sbyong tshul khrims dang ldan pa/ yon tan dang ldan pa ma rgal ba rnams brgal bar bya ba/ ma grol ba grol bar bya ba/ dbugs ma phyin pa dbugs dbyung bar bya ba/ yongs su mya ngan las ma 'das pa yongs su mya ngan las 'da' bar bya ba gang yin/ de nas
52b5 dge slong zhig rnag gi lus 'dis sgyid lug pa dang / mus byung ba dang / the tshom za ba dang / smod pa na gnas nas phyir byung ste zlog dge sbyong sbed la 'di skad ces smras so// bzhin bdag ma rgal ba yin gyis sgrol cig/ bdag ma grol ba yin
52b6 gyis khrol cig/ bdag dbugs ma phyin pa yin gyis dbugs phyung shig/ bdag yongs su mya ngan las ma 'das pa yin gyis yongs su mya ngan las zlos shig/ de nas zlog dge sbyong sbed kyis dge slong de srog dang bral bar byas te/ de bzhin du gnyis dang /
52b7 gsum nas dge slong drug bcu'i bar dag srog dang bral bar byas so// de'i tshe dge slong dag nyung ngur gyur/ nyams par gyur/ rnga rngor gyur cing dge slong gi dge 'dun srabs par gyur to// de nas bcom ldan 'das de nyid kyi lnga'i gso sbyong la dge slong gi dge
iiif viewer powered by OpenSeadragon
Texts on this page
D5 - dge slong ma'i 'dul ba rnam par 'byed pa