| e-texts navigator |
| བོད་ཡིག |
52a1 sdug pa sgoms shig/ mi sdug pa bsten cing bsgoms la mang du bya ba na 'bras bu chen po dang / phan yon chen por 'gyur ro zhes mi sdug pa ston pa mdzad cing / mi sdug pa bsgom pa'i bsngags pa rjod par yang mdzad pas dge slong dag mi sdug pa sgom par byed
52a2 do/ / dge slong dag mi sdug pa sgom pa na lus rul ba 'dis sgyid lug pa dang / mus byung ba dang / the tshom za ba dang / smod par byed pa na mtshon kyang 'byin par byed/ dug kyang za bar byed/ thag pas kyang 'ching bar byed/ g.yang sar yang mchong bar byed cing /
52a3 'di ltar dge slong gis kyang dge slong la gsod par byed do// de nas dge slong zhig lus rul ba 'dis sgyid lug pa dang / mus byung ba dang / the tshom za ba dang / smod par byed cing / zlog dge sbyong sbed ga la ba der song ste phyin nas zlog dge sbyong sbed la 'di
52a4 skad ces smras so/ / bzhin tshur shog/ kho bo srog dang phrol cig dang / kho bo'i lhung bzed dang chos gos gang yin pa de khyod kyi yin par 'gyur ro// de nas zlog dge sbyong sbed kyis dge slong de srog dang phral nas ral gri khrag gis gos pa khyer te chu klung yid 'ong
52a5 ldan ga la ba der song ste phyin pa dang / chu klung yid 'ong ldan gyi 'gram du tsog tsog por 'dug ste ral gri khrag gis gos pa 'khru bar byed do// de nas bdud kyi ris kyi lha zhig chu klung yid 'ong ldan gyi chu rgyun gyi steng na 'dug nas zlog dge sbyong sbed la 'di skad ces smras so//
52a6 bzhin legs so legs so// 'di ltar khyod dge sbyong tshul khrims dang ldan pa/ yon tan dang ldan pa dag ma rgal ba rgal bar byed/ ma grol ba grol bar byed/ dbugs ma phyin pa dbugs 'byin par byed/ yongs su mya ngan las ma 'das pa yongs su mya
52a7 ngan las 'da' bar byed pa ni khyod la bsod nams mang du skye bar 'gyur zhing / de dag gi lhung bzed dang / chos gos gang yin pa de khyod kyir 'gyur ba 'di yang khyod kyi rnyed pa lhag pa yin no// de nas zlog dge sbyong sbed 'di snyam du gang bdag dge sbyong tshul
iiif viewer powered by OpenSeadragon
Texts on this page
D5 - dge slong ma'i 'dul ba rnam par 'byed pa