| e-texts navigator |
| བོད་ཡིག |
51a1 byis pa'o// blun pa'o// rku ba'o zhes bya ba de dag ni spyo ba'i tshig go// zer zhing zhes bya ba ni rjod cing ngo // gsod dam zhes bya ba ni srog dang bral bar byed pa'o// 'ching ngam zhes bya ba ni chings ma gsum po lcags las byas pa dang / shing las
51a2 byas pa dang / rtswa las byas pa dag gis so// spyugs kyang rung zhes bya ba ni yul med par byas kyang rung ste'o// dge slong ma zhes bya ba ni gang la dge slong ma'i dngos po yod pa'o zhes bya ba nas de yang zhes bya ba 'di ni nye bar bstan pa dang / kun du bstan pa'i tshig bla
51a3 dgas so zhes bya ba dang / gsol ba dang / gsol ba dang / gnyis dang / gsol ba dang bzhi'i las zhes bya ba'i bar du phas pham pa dang po ji lta ba de bzhin du rgya cher brjod par bya'o// de la ltung bar ji ltar 'gyur zhe na// // spyi sdom la/ bdag nyid sa
51a4 dang nam mkha' dang / / sa yi gcal dang bzhon dang gru// ston ka 'byung dang chu dang ni// rku dang sa gzhi 'tshol ba dang // rkang med dang ni gdol pa dang // 'phyang bar gyur pa tha ma yin// sdom la/ bdag nyid dang ni ma byin dang // sems dang yongs su
51a5 bzung ba dang / / 'du shes dang ni bzhi pa bzhi// lnga pa gnyis su byas pa yin// dge slong mas rgyu gsum gyis gzhan gyi yo byad lci ba ma byin par len na phas pham par 'gyur te/ gsum gang zhe na/ bdag nyid kyis dang / zhal ta byas pas dang / mngags
51a6 pas so/ / ji ltar bdag nyid kyis she na/ bdag nyid kyis rku ba dang / bdag nyid kyis rkur 'jug pa dang / bdag nyid kyis gnas nas gnas su sbed par byed pa ste/ de ltar na bdag nyid kyis so// ji ltar zhal ta byas pas she na/ zhal ta byas te rku ba
51a7 dang / zhal ta byas te rkur 'jug pa dang / zhal ta byas te gnas nas gnas su sbed par byed pa ste/ de ltar na zhal ta byas pas so// ji ltar mngags pas she na/ mngags nas rku ba dang / mngags nas rkur 'jug pa dang / mngags nas gnas su
iiif viewer powered by OpenSeadragon
Texts on this page
D5 - dge slong ma'i 'dul ba rnam par 'byed pa