rKTs

e-texts navigator

Volume

Page

4a₁ thogs pa gnyer tam/ de 'chir bcug gam/ de la 'chi ba'i bsngags pa brjod kyang rung ste/ de la 'di skad ces kye mi khyod 'tsho ba sdig pa mi gtsang ba ngan pa 'dis ci zhig bya/ kye mi khyod gson pa bas shi bla'o zhes zer zhing / sems kyi 'dod pa dang sems kyi
4a₂ kun tu rtog pa dag gis rnam grangs du mas de 'chir bcug gam/ de la 'chi ba'i bsngags pa brjod de/ de yang rtsom pa des dus byas na dge slong ma de yang pham par gyur pa yin gyis gnas par mi bya'o// yang dge slong ma gang mngon par mi shes shing yongs su mi shes la mi'i
4a₃ chos bla ma mtha' dang / 'phags pa dang / bye brag thob pa dang / shes pa dang / mthong ba dang reg par spyod pa med la/ med bzhin du 'di shes so// 'di mthong ngo zhes khas 'ches pa las de ltung ba byung ba rnam par dag par 'dod pas dus gzhan zhig na dris kyang rung / ma dris
4a₄ kyang rung 'di skad ces/ 'phags ma dag bdag gis ni mi shes par shes so zhes smras/ ma mthong bar mthong ngo zhes smras te/ gsog gsob du smras so zhes zer na mngon pa'i nga rgyal ma gtogs te/ dge slong ma de yang pham par gyur pa yin gyis gnas par mi bya'o//
4a₅ yang dge slong ma gang chags par gyur pas skyes pa chags par gyur pa dang / lhan cig mig man chad pus mo yan chad kyi bar du sprad/ kun tu sprad pa nyams su myong bar byed na dge slong ma de yang pham par gyur pa yin gyis gnas par mi bya'o// yang dge slong ma gang
4a₆ chags par gyur pas skyes pa chags par gyur pa dang lhan cig gzhogs stegs dang / 'phyar g.yeng dang / rtsab hral dang / yul phyogs dang / brda dang / mtshan ma dang / skyes pa 'ong ba dang / 'gro ba bdag gir byed pa dang / gang du skyes pas bud med
4a₇ bgrod du rung ba de lta bu'i phyogs su lus bkan pa gzhi brgyad po'i gnas 'di lta bu dge slong mas byas na dge slong ma de yang pham par gyur pa yin gyis gnas par mi bya'o/ / yang dge slong ma gang dge slong ma zhig la pham par 'gyur ba byung bar shes bzhin du 'chab par byed cing

_{iiif viewer powered by OpenSeadragon}

3b - 4b

Texts on this page