| e-texts navigator |
| བོད་ཡིག |
49b1 dge slong ma'i dngos po las nyams par 'gyur te/ de'i dge sbyong gi tshul zhig pa yin/ nyams pa/ bcom pa/ ltung ba/ phas pham par gyur pa ste/ de'i dge sbyong gi tshul phyir bslang du med par 'gyur ro// 'di lta ste dper na shing ta la'i mgo bcad na
49b2 sngon por 'gyur du mi rung la 'phel zhing rgyas pa dang yangs par 'gyur du mi rung ba de bzhin du/ dge slong mas gnas de lta bu byas na/ byas ma thag tu dge slong mar mi rung zhes bya ba'i bar du snga ma bzhin no// gnas par mi bya'o zhes bya ba ni dge slong ma rnams kyis de dang
49b3 gso sbyong dang / dgag dbye dang / gsol ba dang / gsol ba dang / gnyis dang / gsol ba dang / bzhi'i las nyams su myang bar mi bya zhing / gang zag bcu gnyis po dag tu sko bas bsko bar mi bya ba ste/ des na gnas par mi bya'o zhes gsungs
49b4 so/ / de la ltung bar ji ltar 'gyur zhe na// // sdom la/ 'ba' zhig dang ni gnas gsum gyis// mi la sogs dang lhan cig dang // sten la gzhol dang rtsol ba dang // myos par byas dang mthus 'dzin pa'o// dge slong mas mi tshangs par
49b5 spyod pa 'khrig pa'i chos bsten na phas pham par 'gyur ba'o/ / yang dge slong ma gang zhig mi dang gnas gsum gyis mi tshangs par spyod pa 'khrig pa'i chos bsten na phas pham par 'gyur te/ kha'am/ bshang ba'i lam mam/ mo mtshan du bcug na dge
49b6 slong ma de phas pham par gyur pa yin pas gnas par mi bya'o/ / ji ltar mi dang lhan cig gnas gsum gyis sten par byed pa de bzhin du mi ma yin pa dang / dud 'gro'i skye gnas su skyes pa dang lhan cig tu bsten na yang thams cad du phas pham par 'gyur ba'o//
49b7 yang dge slong ma gang zhig sems sten pa la gzhol ba dang / sten pa la 'bab pa dang / sten pa la bab par gyur pas mo mtshan bar chad dang bcas pas bar chad dang bcas pa dang / bar chad dang bcas pas bar chad med pa dang / bar chad med pas bar
iiif viewer powered by OpenSeadragon
Texts on this page
D5 - dge slong ma'i 'dul ba rnam par 'byed pa