| e-texts navigator |
| བོད་ཡིག |
49a1 phyogs gnyi ga'i tshig smra ba 'di ni bslab pa nyams par byas pa yang yin la bslab pa phul ba yang yin no/ / ji tsam gyis na bslab pa nyams par ma byas shing bslab pa ma phul ba yin zhe na/ rnam pa de dag ma gtogs pa ni bslab pa
49a2 nyams par ma byas la bslab pa ma phul ba yin no/ / mi tshangs par spyod pa zhes bya ba ni gnyis kyis gnyis sprod pa'o// 'khrig pa zhes bya ba ni mi tshangs par spyod pa gang yin pa de nyid 'khrig pa yang yin no// chos zhes bya ba 'di ni chos ma yin pa la chos kyi
49a3 sgrar gsungs pa'o/ / bsten na zhes bya ba ni lhag par spyad na'o// tha na dud 'gro'i skye gnas su gyur pa dang / lhan cig kyang rung ste zhes bya ba ni dom dang / spre'u la sogs pa dang lhan cig tu'o// dge slong ma zhes bya ba ni gang la dge slong ma'i dngos po yod par
49a4 gyur pa'o/ / dge slong ma'i dngos po gang zhe na/ bsnyen par rdzogs pa gang yin pa'o// bsnyen par rdzogs pa gang zhe na/ gsol ba dang bzhi'i las kyis bya ba byed pa nyid dang / rtog pa nyid dang / yang dag par rtog pa nyid dang / mthar phyin par byed pa
49a5 nyid dang / yang dag par mthar phyin par byed pa dang / gang zag de'i khas len pa dang / mngon par khas len pa dang / phyir mi zlog pa dang / phyir mi ldog pa dang / phyir mi 'gog pa nyid dang / ngag dang / tshig dang / tha snyad dang / skad dang / rjod pa
49a6 dang / nges pa'i tshig dang / tshig gi lam dang / tshig tu rjod pa dang / ngag gi las dang / ngag gi rnam par rig byed gang yin pa'o// 'di zhes bya ba de ni nye bar bstan pa dang / kun du bstan pa'i tshig so// phas pham par gyur pa yin gyis
49a7 zhes bya ba ni de tha ma dang / ltung ba dang / dman pa dang / mjug na 'dug pa dang / tha chad dang / yid dang mi mthun pa'o// yang gang gis ltung ba de byas ma thag tu dge slong mar mi rung bar 'gyur/ dge sbyong du mi rung bar 'gyur/ shAkya'i sras su mi rung /
iiif viewer powered by OpenSeadragon
Texts on this page
D5 - dge slong ma'i 'dul ba rnam par 'byed pa